Bölgə - Duzxeber.az

Bölgə - Duzxeber.az https://duzxeber.az/ tr Bölgə - Duzxeber.az DataLife Engine Dağlıq ərazilərə qar yağır – FAKTİKİ HAVA https://duzxeber.az/gundem/2615-dalq-razilr-qar-yar-faktk-hava.html https://duzxeber.az/gundem/2615-dalq-razilr-qar-yar-faktk-hava.html

Azərbaycanın əksər bölgələrində yağıntılı hava şəraiti davam edir, bəzi dağlıq ərazilərə qar yağır.

Bu barədə Duzxeber.az-a Milli Hidrometeorologiya Xidmətindən məlumat verilib.

Bildirilib ki, martın 31-i saat 09:00-a olan məlumata əsasən, qar örtüyünün hündürlüyü Şahdağda 49, Zaqatalada (Əlibəy) 11, Qaxda (Sarıbaş) 10 sm-dir.

Düşən yağıntının miqdarı Qaxda (Sarıbaş) 33, Şəkidə (Kişçay) 32, Zaqatalada 23, Oğuzda 20, Balakən və Şahdağda 17, Xaçmazda 10, Qəbələdə 9, Naxçıvan və Şahbuzda 8, Şəmkirdə 7, Qusarda 6, Gəncədə 5, Culfa, Yevlax, Ordubad, Sədərək, Gədəbəy, Naftalan, Ceyrançöl, Tovuz, Mingəçevir, Göyçay, Ağdam, Daşkəsən, Göygöl, Goranboy, İsmayıllı, Quba, Tərtər, Kəlbəcər, Şuşa və Bərdədə 5 mm-dək qeydə alınır.

Martın 30-da bəzi yerlərdə qərb küləyi əsib. Küləyin maksimal sürəti Lerikdə 19, Yardımlıda 18, Zəngilanda 17, Astarada 16, Zaqatala və Oğuzda 15 m/s-dək güclənib.

Bakıda və Abşeron yarımadasında, Daşkəsən, Göygöl, Şəmkir, Balakən, Qax (Sarıbaş), Zaqatala, Şəki, Quba, Qusar, Tərtər, Zərdab, Kəlbəcər, Laçın, Qubadlı, Şuşa, Xankəndi, duman müşahidə olunur, görünüş məsafəsi 500 metrədək məhdudlaşır.]]>

Quba rayonunun Xınalıq kəndinə gedən avtomobil yolunda uçqun baş verib.

Duzxeber.az APA-ya istinadən xəbər verir ki, yolun dağlıq hissəsində baş verən uçqun nəticəsində hərəkət müvəqqəti olaraq məhdudlaşdırılıb.

Hadisə nəticəsində nəqliyyat vasitələrinin hərəkəti dayanıb, avtomobillər yolda qalıb.

Hazırda əraziyə aidiyyəti qurumların əməkdaşları və texnikaları cəlb olunub, yolun açılması istiqamətində işlər aparılır.

Sürücülərə və vətəndaşlara həmin istiqamətdə hərəkət edərkən ehtiyatlı olmaları tövsiyə edilir.

]]>

Gəncədə bədbəxt hadisə baş verib.

Duzxeber.az xəbər verir ki, APA-nın məlumatına görə, hadisə şəhərin çıxışında Nizami məqbərəsinin yaxınlığında qeydə alınıb.

Belə ki, orta yaşlı qadın məqbərənin körpüsündən yıxılıb. Qadın dərhal xəstəxanaya çatdırılıb, ona yardım edilib.

Qadının hansı şəraitdə körpüdən yıxılması hələlik məlum deyil. Hadisə yerinə polis əməkdaşları cəlb edilib.

Faktla bağlı bağlı aparılır.

]]> admin Wed, 25 Mar 2026 18:00:46 +0400 Qaraşovun 1,4 milyonluq “abadlıq”ı 3 ay dözmədi - Üzlüklərin altında sment əvəzinə zir-zibil vurulub - FOTOLAR https://duzxeber.az/gundem/2466-qaraovun-14-milyonluq-abadlq-3-ay-dozmdi-uzluklrin-altnda-sment-vzin-zir-zibil-vurulub-fotolar.html https://duzxeber.az/gundem/2466-qaraovun-14-milyonluq-abadlq-3-ay-dozmdi-uzluklrin-altnda-sment-vzin-zir-zibil-vurulub-fotolar.html

Duzxeber.az: - Ötən ilin yanvar ayında Lənkəran Şəhər İcra Hakimiyyəti rəsmi portalında rayon ərazisində genişmiqyaslı abadlıq-quruculuq işlərinin həyata keçirildiyi barədə məlumat yaymışdı.

Bizimesr.az bildirir ki, məlumatda qeyd olunurdu ki, rayonun sosial-iqtisadi inkişafına dair tədbirlər planına uyğun olaraq küçə və səkilərdə təmir-bərpa işləri aparılır, yeni tametlər döşənir, köhnə səki daşları yenilənir, bordurlar quraşdırılır və yolboyu hasarlar üzlənir. Görülən işlər ictimaiyyətə yüksək səviyyəli layihə kimi təqdim olunur, fotolar isə xüsusi vurğu ilə paylaşılırdı.

Qaraşovun 1,4 milyonluq “abadlıq”ı 3 ay dözmədi - Üzlüklərin altında sment əvəzinə zir-zibil vurulub - FOTOLAR

Abadlıq işlərinin Milli Qəhrəman Soltanağa Bayramov, Mirsalayev, Füzuli küçələrində, Şəhidlər Xiyabanı və Kiçik Bazar ərazisində, eləcə də Ələt–Astara magistral yolunun Göyşaban kəndindən keçən hissəsində aparıldığı bildirilirdi.

Lakin ilkin təqdimatlarda “nümunəvi layihə” kimi göstərilən bu işlərin arxasında tamam fərqli mənzərənin gizləndiyi çox keçmədən bəlli oldu.
Bizimesrş.az-ın araşdırmalarına görə, sözügedən layihənin icrası üçün keçirilən tenderin qalibi “M-House Construction” şirkəti olub. Bu məqsədlə dövlət büdcəsindən 1 milyon 430 min 142 manat 56 qəpik vəsait ayrılıb. Məbləğin böyüklüyü layihənin keyfiyyətli və uzunömürlü olacağına dair gözləntiləri artırsa da, reallıq tam əksini göstərib.

Belə ki, işlər başa çatdıqdan cəmi 3–4 ay sonra adı çəkilən ərazilərdə ciddi problemlər üzə çıxıb. Hasarlara vurulan üzlüklər qoparaq yerə tökülüb, bəzi hissələrdə isə divarlar tamamilə dağılmağa başlayıb. Sakinlərin sözlərinə görə, problem qısa müddətdə kütləvi xarakter alıb və bu vəziyyət gündəlik narazılığa səbəb olub.

Məsələ ilə bağlı yerli qurumlara, Lənkəran şəhər İcra Hakimiyyətinə müraciətlər edilsə də, verilən cavablar konkret olmayıb. Bildirilib ki, yaranmış problemlər aradan qaldırılacaq.

Lakin bu, əsas sualı cavabsız qoyur - milyonlarla vəsait xərclənən layihə niyə cəmi bir neçə ay ərzində yararsız hala düşüb?

Fotolar və müşahidələr problemin texniki səbəblərini də açıq şəkildə ortaya qoyur. Məlum olur ki, üzlük materialları divara standartlara uyğun şəkildə bərkidilməyib. Belə ki, istifadə olunmalı olan sement və xüsusi yapışdırıcı qat əvəzinə, divar altına müxtəlif tikinti tullantıları - qırıq plitə parçaları yerləşdirilib. Bu isə həm dayanıqlılığı azaldıb, həm də üzlüklərin qısa müddətdə qopmasına səbəb olub.

Mütəxəssislərin fikrincə, bu cür yanaşma tikinti normalarının kobud şəkildə pozulması ilə yanaşı, material xərclərinə “qənaət” adı altında vəsaitin mənimsənilməsi ehtimalını açıq aydın ortaya qoyub.

“M-House Construction” şirkəti ilə bağlı digər məqamlar da diqqət çəkir. Açıq mənbələrdə yer alan məlumatlara əsasən, şirkət regionda keçirilən bir çox abadlıq və tikinti tenderlərinin qalibi kimi çıxış edir. Eyni zamanda, şirkətin üzərində iri məbləğdə vergi borcunun olduğu və müxtəlif məhkəmə çəkişmələrində iştirak etdiyi barədə iddialar mövcuddur.

Qanunvericiliyə görə isə vergi borcu olan şirkətlərin dövlət tenderlərində iştirakı məhdudlaşdırılmalıdır. Bu baxımdan, belə bir şirkətin iri həcmli dövlət layihələrinin icrasına cəlb olunması əlavə suallar yaradır.

Baş verənlər fonunda böyük suallar hələ də cavabsız qalır - ayrılan vəsaitin xərclənməsinə kim nəzarət edib, işlərin keyfiyyəti niyə qəbul edilib, tender prosesində hansı meyarlar əsas götürülüb və ən əsası- bu vəziyyətə görə kim məsuliyyət daşıyır? Əslində bu sualın cavabı da var - Heç kim...

Lənkəranda baş verən bu hadisə bir daha göstərir ki, bəzi hallarda rəsmi hesabatlarda “uğurlu layihə” kimi təqdim edilən işlər reallıqda ciddi nöqsanlarla müşayiət olunur. Qısa müddətdə yararsız hala düşən milyonluq layihə isə təkcə texniki problem deyil, həm də idarəetmə və nəzarət mexanizmlərindəki boşluqların göstəricisidir. Yəqin ki, Lənkəran RİH başçısı Taleh Qaraşov “M-House Construction” şirkətinin sahibini də tanıyır, görülən işlərin nə qədər keyfiyyətli və keyfiyyətsiz olduğunu da bilir. Sadəcə olaraq həmişəki kimi susur. Sizcə niyə susur? // Bizimesr.az

]]> admin Wed, 25 Mar 2026 15:30:29 +0400 Xaçmazda narazılıq dalğası böyüyür – sakinlər Elnur Rzayevdən gileylənir İDDİA https://duzxeber.az/gundem/2299-xacmazda-narazlq-dalas-boyuyur-sakinlr-elnur-rzayevdn-gileylnir-dda.html https://duzxeber.az/gundem/2299-xacmazda-narazlq-dalas-boyuyur-sakinlr-elnur-rzayevdn-gileylnir-dda.html

Duzxeber.az: - Son günlər sosial şəbəkələrdə Xaçmaz rayonu ilə bağlı paylaşılan rəylər və şikayətlər diqqət çəkir. Rayon sakinləri müxtəlif problemlərlə bağlı narazılıqlarını açıq şəkildə ifadə edir və iddia edirlər ki, bəzi ərazilərdə vəziyyət getdikcə daha da pisləşir.

TEREF yazır ki, bunu sosial şəbəkə fəalı Nizami Əzizov yazır. Nizami Əzizov daha sonra yazır:

Sakinlərin sözlərinə görə, xüsusilə kənd yolları və çay ətraflarında antisanitar vəziyyət hökm sürür. Qobuqırağı kəndindən Niyazabad istiqamətinə gedən yol boyunca çay ətrafında heyvan sümükləri, dərilər və məişət tullantılarının yığıldığı bildirilir. Yerli sakinlər deyir ki, bu vəziyyət yay aylarında daha da ağırlaşır və ətrafa dözülməz qoxu yayılır.

Xaçmazda narazılıq dalğası böyüyür – sakinlər Elnur Rzayevdən gileylənir İDDİA

Digər bir narazılıq isə şəhərin mərkəzinə yaxın ərazilərlə bağlıdır. Sakinlər bildirirlər ki, 8 nömrəli məktəbin yaxınlığında yerləşən küçələrdə zibil problemi ciddi hal alıb. İddialara görə, hətta kəndlərdən uşaqlarını məktəbə gətirən bəzi şəxslər tullantılarını da həmin küçələrə atırlar. Küçə sakinləri isə bu vəziyyətə nəzarətin olmamasından şikayət edir.

Bəzi sosial şəbəkə istifadəçiləri isə regionlar arasında vəsait bölgüsü ilə bağlı iddialar səsləndirirlər. Onların fikrincə, ayrılan vəsaitlərin bəzən digər istiqamətlərə yönləndirilməsi nəticəsində bəzi yaşayış məntəqələrində problemlər həll olunmadan qalır.

Digər tərəfdən, səhiyyə sahəsi ilə bağlı da suallar səsləndirilir. Bir sıra vətəndaşlar Xudat şəhərindəki tibb xidmətlərinin vəziyyəti ilə bağlı narahatlıqlarını ifadə edərək bu istiqamətdə də açıqlama verilməsini tələb edirlər.

Sosial şəbəkələrdə yazılan rəylərdən belə nəticə çıxır ki, sakinlərin əsas tələbi ətraf mühitin təmizliyi və nəzarətin gücləndirilməsi, kommunal xidmətlərin daha effektiv işləməsi və yerli problemlərin operativ şəkildə həll olunmasıdır.(TEREF)

Qarşı tərəfdində mövqeyini dərc etməyə hazırıq!

]]>

İmişlidə vəzifəli şəxs söyüş söydüyü üçün saxlanılıb.

Duzxeber.az-ın qaynarinfo-ya istinad məluamtına görə, 1988-ci ildə İmişli rayonunda doğulmuş R.T. barəsində İnzibati Xətalar Məcəlləsinin 510.1-ci və 535.1-ci maddəsi ilə protokol tərtib edilib və işə məhkəmədə baxılıb.

Məlum olub ki, R.T. QSC-nin İmişli bölməsindən işdən çıxarkən ucadan qışqırıb, uca səslə telefonla kiməsə nalayiq ifadələr işlədib. Ərazidə xidmətdə olan polis əməkdaşları həmin şəxsi sakitləşdirmək istəyib, ona irad bildirib, lakin polisə müqavimət göstərib.

Təqsirləndirilən şəxs məkhəmədə özünü təqsirli bilərək, həmin gün oruc tutduğu üçün gərgin və əsəbi olduğundan polis əməkdaşlarını dinləmədiyini deyib.

Məhkəmənin hökmü ilə R.T. 15 gün müddətinə inzibati qaydada həbs olunub.

Qeyd edək ki, R.T. “Azərbaycan Dəmir Yolları” QSC-də Yanacaq və Enerji Resurslarının İdarə Edilməsi Departamentinin İmişli təminat məntəqəsində mühafizə üzrə növbə rəisi işləyir.

Xatırladaq ki, bu ilin yanvar ayında Azərbaycan Dəmir Yolları QSC-də Yanacaq və Enerji Resurslarının İdarə Edilməsi Departamentinin İmişli təminat məntəqəsinin rəisi Eldəniz Sadıqov və ADY-nin İnfrastruktur Departamentinin Qatarların İdarə Edilməsi Xidmətinin İmişli lokomotivlərinin idarə edilməsi sahəsinin magistral üzrə teplovoz maşinisti Famil Soltanov həbs edilib. Onlar lokomotivlərin hərəkəti üçün ayrılmış tonlarla dizel yanacağı və yağı mənimsəyib satmaqda dövlət qurumuna 107 min manat ziyan vurublar.

]]>

Göyçay Rayon İcra Hakimiyyətində aparılan struktur dəyişikliyi ilə bağlı 31 vəzifə ləğv edilib.

"Duzxeber.az" Oxu.az-a istinadən xəbər verir ki, icra başçısı Orxan Mürsəlovun sərəncamı ilə həmin əməkdaşların dövlət qulluğuna xitam verilib və onlar ehtiyat kadr siyahısına əlavə olunublar.

Məlumata görə, vəzifəsini itirənlərdən 26 nəfər kənd inzibati ərazi dairəsi üzrə nümayəndəsinin müavini, nümayəndəliyinin baş məsləhətçi - baş mühasibidir. Digər şəxslər isə Göyçay Rayon İcra Hakimiyyətində müəyyən vəzifələrdə çalışanlardır.

Vəzifəsi ləğv edilənlərdən 4 nəfər icra hakimiyyəti və tabe qurumlarda digər vəzifələrə təyin edilsə də, hazırda 27 şəxs işsizdir.

Qeyd edək ki, bundan əvvəl icra hakimiyyəti orqanlarında aparılan struktur dəyişikliyi ilə əlaqədar Ağsu Rayon İcra Hakimiyyətinin 14 əməkdaşı, Tovuz Rayon İcra Hakimiyyətinin isə 43 əməkdaşı, Cəlilabad Rayon İcra Hakimiyyətinin isə 38 əməkdaşı, Quba Rayon İcra Hakimiyyətinin isə 36 əməkdaşı vəzifələrindən azad ediliblər.

]]>

Xəbər verildiyi kimi, bir neçə gün öncə Qarabağ qazisi Kənan Aşırzadə həyatına son qoyub.

MUMtv.az xəbər verir ki, Ağstafada baş verən bu hadisənin səbəbi isə onun sosial problemlərinin çox olması göstərilir.

Qeyd edək ki, Kənan Aşırzadə intiharından öncə dəfələrlə rəsmi qurumlara, o cümlədən Ağstafa İcra Hakimiyyətinə müraciət etsə də, buna əhəmiyyət verilməyib.

Tribuna.az açıq mənbələr üzərindən apardığı araşdırma zamanı məlum olub ki, Ağstafada təkcə mərhum Kənan Aşırov bu laqyedlikdən əziyyət çəkməyib. Ümumilikdə, bu rayonun rəhbərliyi qazilərə münasibətinin mənfi olduğu ortaya çıxıb. Belə ki, bir müddət əvvəl Ağstafa rayonunda yaşayan qazi Ələsgərov Rəsul Habil oğlu dda Ağstafa Rayon İcra Hakimiyyətinin rəhbərliyini tənqid edib. O bildirib ki, sosial şəbəkələrdə maddi dəstək və işlə təmin olunmaq məqsədilə icra başçısı Seymur Orucova müraciət edidb. Lakin icra başçısı tərəfindən təzyiq və hədələrlə üzləşib. O bildirib ki, məqsədi yardım toplamaq deyil, daimi işlə təmin olunmaqdır.

Qazi vurğulayıb ki, dəfələrlə aidiyyəti qurumlara müraciət etsə də, bu günədək işlə təmin olunmayıb və sosial problemləri həllini tapmayıb.

Maraqlıdır ki, Seymur Orucov niyə qazilərə belə münasibət bəsləyir? Məgər Ağstafada minlərlə qazi var ki, onların problemlərinin həllinə yardımçı ola bilməsin? Həyatlarını ortaya qoyub, Vətən torpaqlarının azad edilməsini təmin etmiş bu insanların elementar istəklərini, problemlərini həll etmək bu qədər çətindir? Bəlkə, Seymir Orucov başını qaldırıb, ətrafına baxsın. Görsün ki, hamı heç də onun kimi komfortlu həyat yaşamır.

Onu Ağstafaya ona görə icra başçısı təyin etməyiblər ki, kabinetindən kənara çıxmasın. Dövlət başçısının əsas tələbi də budur ki, bütün icra başçıları sakinlərin problemlərini həll etməli, onların üzləşdikləri sıxıntıları aradan qaldırmalıdır. Görünən isə odur ki, Seymur Orucov üçün bu tapşırığın və tələbin heç bir əhəmiyyəti yoxdur. Əks təqdirdə, onun laqeydliyi səbəbindən bir qazi həyatına son qoymaz, digəri isə problemlər içində boğulmazdı. Üstəlik, icra başçısı problemlərini işıqlandıran qazini təhdid etməzdi.

Ümid edək ki, Ağstafa İcra Hakimiyyətinin başçısı Seymur Orucov baş verənlərə münasibət bildirəcək. Və ona da ümid edirik ki, icra başçısının məntiqli açıqlaması olacaq.

Qarşı tərəfi də dinləməyə hazırıq.//Tribuna.az

]]>

Duzxeber.az: - Göyçay rayonunda bir çox istiqamət üzrə alternativ xətt, həmçinin rayonun mərkəzini kəndlərlə birləşdirən yeganə yol illərdir bərbad vəziyyətdədir.

Tribuna.az-a bu barədə məlumat verən rayon sakinləri bildirib ki, yolun bərbad vəziyyətdə olması onları illərdir narahat etsə də, bu problem nə Göyçay rayon İcra Hakimiyyətini, nə də Azərbaycan Avtomobil Yolları Dövlət Agentliyini narahat etmir.

Sakinlər bildirib ki, ötən əsrin 80-ci illərində çəkilən ikizolaqlı, uzunluğu 22 kilometr olan Qaraməryəm-Müsüslü avtomobil yolunda nəqliyyat vasitəsini idarə etmək mümkün deyil.

Ətrafında 30 mindən çox əhali yaşayan yolun təmiri, bərpası üçün sakinlər dəfələrlə aidiyyəti qurumlara müraciət etsə də, illərdir heç bir tədbir görülmür:

“Yolda dərin çuxurlar əmələ gəlib. Hərəkət artıq mümkünsüz həddədir. Neçə kənd buradan keçir, mərkəzə gedən əsas yoldur. Bu yolu nə maşınla getmək olur, nə piyada, nə avtobusla. Bu 1-2 ildir belə vəziyyətə düşən yol deyil, 20-30 ildir bu vəziyyətdədir.

İllərdir müraciət eləmədiyimiz yer qalmayıb. Bir dəfə gəlib baxmırlar ki, burada vəziyyət nədir. Bu 30 ildə bu yolu düzəltmək heç bir dövlət qurumunun ağlına gəlmir. Yolun elə hissəsi var ki, ümumiyyətlə getmək mümkün deyil”.

Sakinlər bildirib ki, problemin həlli məqsədilə Göyçay rayon İcra Hakimiyyətinə, Azərbaycan Avtomobil Yolları Dövlət Agentliyinə də müraciətlər ünvanlayıblar. Ancaq sakinlərin müraciəti hər dəfə cavabsız qalıb.

Məsələ ilə bağlı Azərbaycan Avtomobil Yolları Dövlət Agentliyindən (AAYDA) İTV-yə bildirilib ki, qurum yolun mövcud vəziyyətindən xəbərdardır. Yolun yenidən qurulması ilə bağlı layihə hazırlanıb. AAYDA-dan bildirilib ki, hazırda sənədin təsdiqlənməsi və maliyyənin ayrılması gözlənilir. Bu proses yekunlaşan kimi yolun təmirinə başlanılacaq.

Göyçay rayon İcra Hakimiyyəti ilə də əlaqə yatarmağa çalışdıq. Lakin zənglərimizə cavab verən olmadı.

Xatırladaq ki, Göyçay rayon İcra Hakimiyyətinin başçısı Orxan Mürsəlovdur.

Qarşı tərəfi dinləməyə hazırıq.

Göyçayda yol BİABIRÇILIĞI: Nə icra hakimiyyəti maraqlanır, nə də AAYDA – Foto

]]>

]]> admin Tue, 10 Mar 2026 14:30:05 +0400 Yevlax şəhər 7 nömrəli məktəbdə "yoxlama" adlı ŞOU:xanım direktora “DUR” deyən olacaqmı?! https://duzxeber.az/gundem/2074-yevlax-hr-7-nomrli-mktbd-yoxlama-adl-ouxanm-direktora-dur-deyn-olacaqm.html https://duzxeber.az/gundem/2074-yevlax-hr-7-nomrli-mktbd-yoxlama-adl-ouxanm-direktora-dur-deyn-olacaqm.html

Məktəbin direktoru 8 illik fəaliyyəti dövründə iki universitetdə təhsil alıb(?)

Duzxeber.az - Yevlax rayonunda təhsilin durumu ilə bağlı yazmışdıq. Bu həftənin ilk günü tirajladığımız “Yevlax təhsilində nə baş verir?-Antimilli şəbəkə, vətənə xəyanət həddi, yoxsa,…???-TƏFƏRRÜAT” sərlövhəli yazımız həm Yevlax ictimaiyyəti, həm də yevlaxlı təhsil işçiləri tərəfindən yüksək səviyyədə qaşılanmış və təqdir edilmişdir.

Bundan sonra yevlaxlı oxucularımız tərəfindən Yenixeber.org-a rayonda təhsilin durumu ilə bağlı yeni məlumatlar daxil olmağa başlamış və davam etməkdədir. Hələlik bu məlumatlardan biri haqqında…

Yevlax şəhər Nizami adına 7 nömrəli tam orta məktəb, daha doğrusu məktəbin xanım direktoru Ülviyyə Ağayevanın fəaliyyəti ilə bağlı məlumatlar təkcə rəngarəngliyi ilə deyil, həm də doğurduğu suallarla fərqlənir…

Belə ki, məlumata görə, 05.02.2026-cı il tarixdə Azərbaycan Respublikası Təhsil Nazirliyinin Məktəbəqədər və Ümumi Təhsil üzrə Dövlət Agentliyi (MÜTDA) tərəfindən Yevlax şəhər Nizami adına 7 nömrəli tam orta məktəbdə şikayətlər əsasında yoxlama aparılmışdır. Yoxlamanın səhər saatlarında başladığı və gecə saatlarına qədər davam etdiyi bildirilir.

Araşdırmalarla, bəzi laborantların, eləcə də inklüziv sinifdə dərs deyən müəllimlərin əmək haqqlarının qeyri-qanuni şəkildə üçdə iki hissəyə endirilməsi aşkarlanmışdır. Hətta bu müəllimlərin Ülviyyə Ağayevanın əmri ilə dərs dedikləri siniflərə buraxılmadığı da müəyyən olunmuşdur.

Bildirilir ki, Ü. Ağayeva məktəbin təsərrüfat müdirini təhqir etmiş və onu məcburi şəkildə inventar sənədlərini imzalamağa məcbur etmişdir. Məlumatda da qeyd edilir ki, Ü. Ağayeva təhqirdə sərhəd tanımır. İndiyədəkr məktəbin bir neçə müəllimini iclas zamanı kollektiv qarşısında təhqir edib.

Həmçinin analıq məzuniyyətində olan informatika müəlliminin bir stavka dərsinin laborant tərəfindən keçirildiyi də yoxlama zamanı aşkar edilmişdir.

Məktəbin gənclər təşkilatının rəhbərinin orta təhsil diplomu ilə işlədiyi qeyd olunur. Bu isə nə dərəcədə qanunidir, bilənlər bilir. Belə görünür ki, məktəbin direktorunun öz qanunları var…

Ü. Ağayeva məktəbdə keçirilən dillərlə də bağlı ayrı-seçkilik yaradır, dil müəllimlərini qarşı-qarşıya qoyur. Məktəbin WhatsApp qrupunda müəllimlərə qarşı təhqiredici sözlər yazır. Nəticədə məktəb kollektivi iki de-fakto hissəyə bölünüb.

Ü. Ağayeva sevmədiyi müəllimləri hətta öz otağına belə buraxmır və onları dərslərlə təmin etmir. Ən əsası isə ailəsi olmayan, övladlarını tək böyüdən qadın müəllimlərə qarşı xüsusilə aqressiv münasibət göstərir.

Direktor hesab edilən bu şəxsin davranışları artıq bir çoxları üçün komik görünür. Yuxarıda qeyd etdiyimiz yoxlama aparılan gün 10 və 11-ci sinif şagirdləri də əsl sinif rəhbərlərinin kim olduğunu öyrənmişlər. Məlum olmuşdur ki, kollec təhsilli müəllimlər sinifləri idarə edir, sənədlərdə isə sinif rəhbərləri kimi başqa müəllimlərin adı göstərilir. Halbuki məlum qanunvericiliyə görə, kollec məzunu olan müəllim 10 və 11-ci siniflərə sinif rəhbəri təyin edilə bilməz. Bu cür üç sinif aşkarlanmışdır və maraqlıdır ki, hələ də belə davam etməkdədir.

Yoxlama zamanı məktəbin inventar sənədlərində mövcud göstərilən, lakin əslində olmayan printerlər, kompüterlər və digər avadanlıqların da olmadığı müəyyən edilmişdir.

Həmçinin müəllimlərə əvvəlcədən xəbərdarlıq edilmədən verilmiş töhmətlər də üzə çıxmışdır.

Bu istiqamətdə Yenixeber.org-a ötürülən məlumata görə, Ü. Ağayeva məktəbdə direktor vəzifəsini daha yüksək vəzifəyə keçmək üçün bir tramplin kimi istifadə edir. Onun 8 illik direktor fəaliyyəti dövründə iki universitetdə təhsil aldığı bildirilir: Prezident yanında Dövlət İdarəçilik Akademiyasında və hazırda isə ADA Universitetində təhsil alır.

Ü. Ağayeva bu ikinci ali təhsilləri niyə sıravi müəllim işlədiyi dövrdə almamışdır? Bu bir məktəb direktoru üçün fiziki olaraq, nə dərəcədə mümkündür? ADA Universitetində təhsil haqqının kifayət qədər yüksək olması da öz yerində...

Həmçinin kimya və biologiya otaqlarının laboratoriya kimi deyil, adi sinif otaqları kimi istifadə edildiyi müəyyən olunmuşdur. Halbuki bu otaqlar yalnız kimya və biologiya dərsləri zamanı istifadə edilməlidir. Əks halda bu vəziyyət şagirdlərin sağlamlığı üçün təhlükə yarada bilər.

Yoxlamanın nəticəsi isə sadə bir töhmət olub. Bəs niyə şiddətli töhmət yox? Çünki onun artıq iki şiddətli töhməti var.

Sonda isə daha bir sual doğur: bu yoxlama, daha doğrusu bu dramatik şou nəyə və kimə lazım idi?(Yenixeber.org)

Redaksiyadan: Biz yazıda yer alan iddialrla bağlı qarşı tərəfi də dinləmək istədik. Təəssüf ki, bu istiqamətdəki cəhdlərimiz nəticəsiz oldu.

]]>