Dünya - Duzxeber.az

“Tehran bu şərtlərdən narahatdır”

admin — Sat, 04 Apr 2026 17:00:09 +0400

İran İslamabaddakı danışıqlardan imtina etməyib, lakin Tehran Yaxın Şərqdə müharibənin dayandırılması şərtlərindən narahatdır.

“Duzxeber.az” xəbər verir ki, bu barədə İranın xarici işlər naziri Abbas Əraqçi “X” sosial media platformasında bildirib.

Diplomat əlavə edib ki, Amerika mediası İslam Respublikasının danışıqlarla bağlı mövqeyini təhrif edir.

Qeyd edək ki, martın 29-da “Reuters” agentliyi Pakistanın xarici işlər naziri İshaq Dara istinadən xəbər verib ki, Pakistan, Səudiyyə Ərəbistanı, Türkiyə və Misir İslamabadda ABŞ-İran münaqişəsinə son qoymağın mümkün yollarını müzakirə ediblər. Görüşdən sonra diplomat bəyan edib ki, İslamabad yaxın günlərdə müharibəyə son qoymaq üçün danışıqlar üçün ABŞ və İslam Respublikasının nümayəndələrini qəbul etməyə hazırdır.//qafqazinfo

Bu ölkədə dövlət çevrilişinə cəhd edildi

admin — Sat, 04 Apr 2026 16:15:06 +0400

Madaqaskarda aralarında bir generalın da olduğu 13 nəfər dövlət başçısı səlahiyyətlərini müvəqqəti icra edən polkovnik Maykl Randrianirinanı qətlə yetirməyə cəhddə şübhəli bilinərək cinayət məsuliyyətinə cəlb edilib.

Duzxeber.az AFP-yə istinadən xəbər verir ki, bu barədə Madagaskar prokurorluğu məlumat yayıb.

Prokuror Narindra Navalona Rakotoniaina bildirib ki, 11 şübhəli saxlanılıb, digər şəxslər barəsində isə həbs orderləri verilib:
“Saxlanılanlar arasında yüksək rütbəli zabitlər və dövlət çevrilişində iştirak etmək niyyətini açıq şəkildə bəyan edən bir general da var”.

Qeyd edək ki, Randrianirina 2025-ci ilin oktyabrında sələfi Andri Racoelinanın istefasına səbəb olan etirazlardan sonra hakimiyyətə gəlib.//tribuna.az

ABŞ Rusiyanı QABAQLADI: Yenidən...

admin — Sat, 04 Apr 2026 15:45:09 +0400

NASA-nın Artemis II missiyası çərçivəsində buraxılan “Orion” kosmik gəmisi Aya gedən yolun yarısını keçib.

Duzxeber.az xəbər verir ki, bu barədə qurumun X sosial şəbəkəsindəki rəsmi səhifəsində məlumat verilib. Bildirilib ki, paylaşımın dərc olunduğu anda kosmik gəmi artıq Ay istiqamətində məsafənin yarısını qət edib.

Qeyd olunub ki, astronavtlar təyinat nöqtəsinə çatdıqdan sonra Ayın yanından uçacaq və onun səthi ilə bağlı elmi məlumatlar toplayacaqlar.

Missiya 2 aprel gecəsi start götürüb. “Orion” kosmik gəmisini daşıyan Space Launch System (SLS) raketi Floridadakı Kennedi Kosmik Mərkəzinin 39A buraxılış meydançasından kosmosa göndərilib.

Ekipajda Rid Uayzman, Viktor Qlover, Kristina Kox və Kanada astronavtı Ceremi Hansen yer alır.

Artemis II 50 ildən artıq müddətdə Yer orbitini tərk edərək Ayın yaxınlığından keçəcək ilk pilotlu missiya kimi tarixə düşəcək.//ajans.az

Ukraynada məşhur bazar VURULDU: ÖLƏNLƏR VAR

admin — Sat, 04 Apr 2026 14:30:08 +0400

Rusiya ordusunun Ukraynanın Nikopol şəhərindəki bazara pilotsuz uçuç aparatı ilə zərbəsi nəticəsində 5 nəfər ölüb, 19 nəfər yaralanıb.

Duzxeber.az xəbər verir ki, bu barədə Dnepropetrovsk vilayət hərbi administrasiyası məlumat yayıb.

Məlumata görə, hücum FPV dronları ilə həyata keçirilib. Nəticədə üçü qadın və ikisi kişi olmaqla, beş nəfər ölüb.

Bundan əlavə, 19 nəfər yaralanıb. Yaralılar arasında 14 yaşlı yeniyətmə qız da var. O, xəstəxanaya yerləşdirilib, həkimlər vəziyyətini ağır qiymətləndirirlər.//ajans.az

ABŞ ordusu İrana DAXİL OLDU

admin — Sat, 04 Apr 2026 14:15:18 +0400

ABŞ ordusunun xüsusi təyinatlı dəstələri itkin düşmüş hərbçilərini tapmaq məqsədilə İran ərazisində gizli axtarış-xilasetmə əməliyyatı həyata keçirib.

Duzxeber.az The Telegraph nəşrinə istinadən xəbər verir ki, əməliyyat vurulmuş Amerika qırıcısının pilotlarının xilas edilməsinə yönəlib.

Bildirilir ki, vurulmuş qırcının iki ekipaj üzvü katapult edərək xilas olub və bundan sonra İranla ABŞ arasında həmin amerikalı pilotların tapılması üçün yarış başlayıb.

Onlardan biri ABŞ hərbçilərinin həyata keçirdiyi əməliyyat nəticəsində xilas edilib.

Eyni zamanda, İran tərəfi vurulan qrıcının pilotunun ələ keçirilməsi üçün 60 min dollar mükafat elan edib.

Paşinyan seçkilərə hazırlaşır: "Vətəndaş müqaviləsi" qurultayının gündəliyi açıqlanıb

admin — Sat, 04 Apr 2026 13:15:00 +0400

Ermənistanın Baş naziri Nikol Paşinyan hakim "Vətəndaş müqaviləsi" partiyasının 8-ci növbədənkənar qurultayının gündəliyini açıqlayıb.

"Duzxeber.az" xəbər verir ki, o bu barədə özünün "Facebook" səhifəsində bildirib.

Məlumata görə, açıq səsverməyə üç əsas məsələ çıxarılacaq: partiyanın seçki siyahısını təsdiqləmək və Ermənistan parlamentinə keçiriləcək seçkilərə (7 iyun 2026-cı il) irəli sürmək; idarə heyətinin sədri Nikol Paşinyanı partiyanın Ermənistanın Baş naziri postuna namizədi kimi təsdiqləmək; Ermənistan parlamentinə keçiriləcək seçkilər üçün partiyanın seçkiqabağı proqramını təsdiq etmək.

İclasın əvvəlində, həmçinin açıq səsvermə yolu ilə qurultayın sədrinin və katiblərinin seçilməsi planlaşdırılır.

İrandan mühüm FƏRMAN

admin — Sat, 04 Apr 2026 12:45:12 +0400

General Hüseyn Mohabbi mart ayında öldürülən general-mayor Əli Məhəmməd Naininin yerinə İslam İnqilabı Keşikçiləri Korpusunun (SEPAH) sözçüsü vəzifəsinə təyin edilib.

Duzxeber.az xəbər verir ki, bu barədə İranın "Fars" xəbər agentliyi məlumat yayıb.

Bildirilib ki, Mohabbinin təyin edilməsi ilə bağlı fərmanı İranın ali rəhbərinin SEPAH-dakı nümayəndəsi Abdulla Hacı Sadiqi imzalayıb.

Qeyd edək ki, İslam İnqilabı Keşikçiləri Korpusunun sözçüsü general Əli Məhəmməd Naini martın 20-də ABŞ və İsrailin İslam Respublikası ərazisinə hava hücumları nəticəsində həlak olub.

Cennaro Qattuzo istefa verib

admin — Sat, 04 Apr 2026 09:15:10 +0400

Cennaro Qattuzo İtaliya millisinin baş məşqçisi vəzifəsindən istefa verib.

Duzxeber.az xəbər verir ki, bu barədə İtaliya Futbol Federasiyası məlumat yayıb. Buna səbəb yığmanın dünya çempionatına vəsiqə qazana bilməməsidir.

48 yaşlı mütəxəssis ötən ilin yayından milli komandaya rəhbərlik edir.

Pezeşkian Trampın İranı "daş dövrü"nə qaytarmaqla bağlı hədələrinə cavab verib

admin — Fri, 03 Apr 2026 18:00:27 +0400

İran Prezidenti Məsud Pezeşkian amerikalı həmkarı Donald Trampın İranı "daş dövrü"nə" qaytarmaqla bağlı hədələrinin genişmiqyaslı hərbi cinayət hesab edilib-edilməyəcəyi ilə maraqlanıb.

"Duzxeber.az"in verdiyi məlumata görə, Pezeşkian bunu "X" sosial şəbəkəsində yazıb.

"Mən bu sualı ixtisasca hüquqşünas olan finlandiyalı həmkarıma (Aleksandr Stubb - red.) verdim", - İran Prezidenti qeyd edib.

Xatırladaq ki, bundan əvvəl Tramp ABŞ-nin yaxın 2-3 həftə ərzində İrana zərbələrin intensivliyini əhəmiyyətli dərəcədə artırmağı planlaşdırdığını bəyan edərək, İranı "daş dövrü"nə qaytarmaqla hədələyib.

İran bu ölkələrə zərbələr endirir

admin — Fri, 03 Apr 2026 17:45:29 +0400

İran İordaniya və Küveytdə ABŞ hərbçilərinin dislokasiya məntəqələrinə, həmçinin Bəhreyndə iri alüminium zavodunu vurub.

"Duzxeber.az" xəbər verir ki, bu barədə İran ordusu məlumat yayıb.

Məlumata görə, hücum PUA-larla həyata keçirilir. Unikal