Səhiyyə - Duzxeber.az

Səhiyyə - Duzxeber.az https://duzxeber.az/ tr Səhiyyə - Duzxeber.az DataLife Engine Tibbi tullantıların daşınması və zərərsizləşdirilməsinə ayrılan milyonlardan kimlər daha çox faydalanır https://duzxeber.az/gundem/2636-tibbi-tullantlarn-danmas-v-zrrsizldirilmsin-ayrlan-milyonlardan-kimlr-daha-cox-faydalanr.html https://duzxeber.az/gundem/2636-tibbi-tullantlarn-danmas-v-zrrsizldirilmsin-ayrlan-milyonlardan-kimlr-daha-cox-faydalanr.html

Duzxeber.az: - Tibbi Ərazi Bölmələrini İdarəetmə Birliyinə (TƏBİB) tabeli tibb müəssələri, rayon Mərkəzi Xəstəxanaları tərəfindən hasil olan müxtəlif növ tibbi tullantıların daşınması və zərərsizləşdirilməsi xidmətlərinin satın alınması ilə əlaqədar keçirilmiş açıq tender və kotirovka sorğuları ətrafında araşdırma aparmalı olduq.

Qeyd edək ki, tibbi tullantıların daşınması və zərərsizləşdirilməsi xidmətləri üzrə ən çox satınalmaların qalibi olan şirkətlərin biri də “BT TEXNO SERVİS” MMC-dir. Bu şirkət 14.04.2025-ci ildən 22.05.2025-ci ilə qədər “BT TEXNO SERVİS” MMC 23 satınalma müsabiqəsinin qalibi seçilib.
TƏBİB-ə tabeli rayon Mərkəzi Xəstəxanaları isə daha çox “ECO LOGİSTİCS” Məhdud Məsuliyyətli Cəmiyyəti ilə müqavilə bağlayıb.

Şəmkir rayon Mərkəzi Xəstəxanası müəssisələrindən hasil olan müxtəlif növ tibbi tullantıların daşınması və zərərsizləşdirilməsinə 145.019,19 manat, eyni xidmətləri göstərmək üçün Cəbrayıl xəstəxanası 16.271,16, Ağstafa xəstəxanası 68.374,78, Kürdəmir xəstəxanası 82.807,68, Bərdə xəstəxanası 268.149,15, Ağdaş xəstəxanası 104.350,35, Şəki xəstəxanası 152.362,54, Mingəçevir xəstəxanası 197.163,9, Qazax xəstəxanası 251.292,32, İsmayıllı xəstəxanası 56.779,69, Naftalan xəstəxanası 16.661,81, Qax xəstəxanası 54.034,56, Yevlax xəstəxanası 194.857,77, Daşkəsən xəstəxanası 8.918,68, Zaqatala xəstəxanası 91.094,04 manat dəyərində satınalma müqavilələri bağlayıblar.

Göründüyü kimi TƏBİB-ə tabeli 15 rayon Mərkəzi Xəstəxanaları “ECO LOGİSTİCS” MMC ilə 16.04.2025-ci ildən 03.07.2025-ci ilə qədər ümumi dəyəri 1 708 130 mant olan satınalma müqavilələri bağlayıblar.

Dövlət Vergi Xidmətinin hüquqi şəxslərin dövlət reyestrinə daxil edilmiş məlumatlarında “ECO LOGİSTİCS” (VÖEN: 1504055871) Məhdud Məsuliyyətli Cəmiyyətinin 22.05.2018-cı il tarixdə Bakı şəhəri Lokal Gəlirlər Baş İdarəsində dövlət qeydiyyatına alındığı göstərilir. Reyestr məlumatlarında nizamnamə kapitalı 10o manat olan MMC-nin hüquqi ünvanının , BAKI ŞƏHƏRİ XƏTAİ RAYONU, XOCALI ev.13A qanuni təmsilçisi kimi isə Astanov Akif Adil oğlu qeyd olunub.

Reyestr məlumatlarında MMC-nin “LV SHIPPING CASPIAN” kimi dövlət qeydiyyatına alındığı göstərilir. 04.05.2023-cü ildən “ECO LOGİSTİCS” MMC kimi fəaliyyət göstərir. MMC-nin təsisçisi və ilk qanuni təmsilçisi Rzayev Məhəmməd Həsən oğlu olub. Daha sonra Mirzəyev Teymur Məsləhətulla oğlu MMC-nin qanuni təmsilçiləri olub.

Apardığımız ətraflı araşdırmalar zamanı məlum oldu ki, daha əvvəllər müxtəlif növ tibbi tullantıların daşınması və zərərsizləşdirilməsni TƏBİB-in “İnnovasiya və Təchizat Mərkəzi” publik hüquqi şəxsi həyata keçirib. “Tibbi Ərazi Bölmələrini İdarəetmə Birliyi” publik hüquqi şəxsin tabeliyinə verilən dövlət səhiyyə sisteminə daxil olan tibb müəssisələrindən hasil olan müxtəlif növ tibbi tullantıların daşınması və zərərsizləşdirilməsi xidmətlərinin satın alınması üzrə “AZLOGİSTİKA and MANAGEMENT SERVİCES” Açıq Səhmdar Cəmiyyəti Cəmiyyəti ilə bir mənbədən satınalma metodu tətbiq etməklə 2.622.898,1 manat dəyərində satınalma müqaviləsi bağlayıb. Məlumat satınalmaların portalında 28.08.2024-cü ildə dərc edilib. Müqavilənin başlanma tarixi 26.08.2024-cü il, bitmə tarixi 28.02.2025-ci ilə müəyyən edilib.

Göründüyü kimi “İnnovasiya və Təchizat Mərkəzi” 7 ay tibbi tullantıların daşınması və zərərsizləşdirilməsi xidmətinə 2,5 milyon manatdan çox dövlət vəsaiti ayırıb.

Apardığımız araşdırma zamanı məlum oldu ki, İcbari Tibbi Sığorta üzrə Dövlət Agentliyi publik hüquqi şəxsi “Tibbi Ərazi Bölmələrini İdarəetmə Birliyi” publik hüquqi şəxsin (TƏBİB) tabeliyinə verilən dövlət səhiyyə sisteminə daxil olan tibb müəssisələrindən hasil olan müxtəlif növ tibbi tullantıların dataşınması və zərərsizləşdirilməsi xidmətlərinin satın alınması üzrə “LV SHIPPING CASPIAN” Məhdud Məsuliyyətli Cəmiyyəti ilə 16.920.484 manat dəyərində satınalma müqaviləsi bağlayıb. Məlumat satınalmaların portalında 06.04.2023-cü ildə dərc edilib. Müqavilənin başlanma tarixi 03.04.2023-cü il, bitmə tarixi 30.06.2024-cü ilə müəyyən edilib.

Göründüyü kimi TƏBİB-in “İnnovasiya və Təchizat Mərkəzi” 16 milyon manat dəyərində bağladığı müqavilənin vaxtının 30.06.2024-cü ildə bitdiyi göstərilir. Novbəti müqavilənin başlanması isə 26.08.2024-cü il göstərilir. Sual yaranır. 2024-cü ilin iyul, avqqust aylarında müxtəlif növ tibbi tullantıların daşınması və zərərsizləşdirilməsi necə həyata keçirilib?

Qeyd edək ki, İcbari Tibbi Sığorta üzrə Dövlət Agentliyi isə eyni məqsədlə 2022-ci ildə “LV SHIPPING CASPIAN” (hazırki “ECO LOGİSTİCS”) MMC ilə 10.395.000 manat dəyərində satınalma müqaviləsi bağlayıb. Məlumat satınalmaların portalında 05.04.2022-ci ildə dərc edilib. Müqavilənin başlanma tarixi 30.03.2022-cü il, bitmə tarixi 31.12.2022-cü ilə müəyyən edilib. TƏBİB isə 2023-cü ildə tibbi tullantıların daşınması xidməti üzrə bağladığı müqaviləni 03.04.2023-cü ildən başlayıb. 2023-cü ilin yanvar aprel aylarında tibbi tullantıların daşınması xidməti necə həyata keçirilib?
Bu MMC-lərin müvafiq tələblərə cavab verən işçi qüvvəsində tullantıların daşınması və zərərsizləşdirilməsi sahəsində təcrübəli operatorlarının, təchizatçının şəxsi mülkiyyətində olan yandırma qurğusunun olub,olması da sual altındar.

Qeyd edək ki, tibbi tullantıların zərərsizləşdirilməsi prosesi Ekologiya və Təbii Sərvətlər Nazirliyinin nəzdində fəaliyyət göstərən “Tullantıların İdarəedilməsi Mərkəzi” MMC tərəfindən Sumqayıt şəhərinin yaxınlığında, Bakı-Quba şossesinin 33-cü km-i Pirəkeşkül qəsəbəsindəki poliqonda həyata keçirilir.

Mexanizm isə çox sadə qurulub. “ECO LOGİSTİCS” MMC-nin sifariş aldığı rayonların hər birinə ayrı xüsusi avtomobil göndərmir. Belə olsa “ECO LOGİSTİCS” MMC-nin 30-dan çox xüsusi avtomobili və əmək müqaviləsi ilə çalışan əvəzedici ilə birlikdə 60-dan çox sürücüsü olmalıdır. Təbii ki bu texniki baza “ECO LOGİSTİCS” MMC-də olmadığından hər həftə rayon mərkəzi xəstəxanalırından tibbi tullantıları götürərək zərərsizləşdirilməsi üçün Pirəkeşkül qəsəbəsindəki poliqona daşıyır. Bir-birinə yaxın rayonların xəstəxanalardan eyni vaxtda, eyni avtomobildə. Amma müqavilədə isə daşınma xidməti üçün qiymətlər şişirdilir. Güya şirkətin avtomobili tibbi tullantıları hər bir xəstəxanadan ayrı götürür.

Satınalmaların portalında dərc edilmiş məlumatlardan da göründüyü kimi 05.04.2022-ci ildən 28.08.2024-cü ilə qədər TƏBİB-in tabeliyinə olan dövlət səhiyyə sisteminə daxil olan tibb müəssisələrindən hasil olan müxtəlif növ tibbi tullantıların dataşınması və zərərsizləşdirilməsi xidmətlərinin satın alınmasına ümumi olaraq 29 938 382 manat dəyərində müqavilələr bağlanılıb. Bu vəsitlərin həqiqətən də tibbi tullantıların daşınması və zərərsizləşdirilməsnə xərclənməsi heç də real görünmür. Çünki, xəstəxanalarda tibbi tullantıların həcmini əvvəlcədən müəyyən etmək çox çətindir. Odur ki, tbbi tullantıların həcmi formal olaraq yazılır, yaxud da şişirdilir. Nəticədə isə xəstəxana rəhbərlərinə pasientlərdən topladığı rüşvətdən əlavə qazanc yeri də açılır.

Təbii ki, onlara bu şəraiti İcbari Tibbi Sığorta üzrə Dövlət Agentliyi İdarə Heyətinin sədri Zaur Əliyev yaradır. TƏBİB rəsmiləri, xüsusən də TƏBİB-in “İnnovasiya və Təchizat Mərkəzi”nin direktoru Nurlan Quliyev bundan bəhrələnirlər. Qeyd edək ki, Nurlan Quliyev 2023-cü ilin iyun ayından “İnnovasiya və Təchizat Mərkəzi”nin direktorudur. Medianın yaydığı məlumatlara görə Nurlan Quliyevin yüksəlişi birbaşa Zaur Əliyevin himayəsi ilə bağlıdır. Vaxtı ilə İcbari Tibbi Sığorta üzrə Dövlət Agentliyinin Satınalma və Təchizat Departamentinin müdiri vəzifəsində çalışıb. Məlumatlara görə Zaur Əliyevin kadrı olaraq TƏBİB-in sabiq İcraçı direktoru Vüqar Qurbanovun vurulmasında da böyük rolu olub.//Aktualinfo.net

]]>

Duzxeber.az: - Bir müddət əvvəl uğursuz estetik əməliyyat iddiaları ilə ölkə gündəmini zəbt edən Dr. Xəyalə İsmayılova ilə bağlı müzakirələr yenidən aktuallaşıb.

Məlum olduğu kimi, Nəsimi rayonu ərazisində yerləşən “Uğur 777” klinikasında fəaliyyət göstərən Xəyalə İsmayılovanın heç bir rəsmi lisenziya və tibbi diplom olmadan estetik əməliyyatlar həyata keçirdiyi iddia olunurdu.

Həmin dövrdə onun əməliyyatlarının qurbanı olduqlarını bildirən vətəndaşlar kütləvi şəkildə hüquq-mühafizə orqanlarına müraciət etmişdilər.Şikayətlərin artması və ictimai təzyiq fonunda məsələ mediaya sızmış, nəticədə klinikanın fəaliyyəti dayandırılmışdı.

Bununla yanaşı, Nəsimi rayon prokurorluğunda Xəyalə İsmayılova ilə bağlı araşdırmalara başlanılmışdı. Məlumatlara görə, istintaq prosesi hələ də davam edir və məsələ hüquqi müstəvidə tam həllini tapmayıb.Bütün bunlara baxmayaraq, iddialara əsasən, Xəyalə İsmayılova hazırda fəaliyyətini başqa bir tibb müəssisəsində – “Nova Med” tibb mərkəzində davam etdirir.

Məlumat verən mənbələr bildirir ki, sözügedən mərkəzdə uzun müddətdir çalışan anası, Məlahət xanım, ona dəstək göstərərək klinikada əməliyyat aparmasına şərait yaradıb.İddialara görə, o, həyata keçirdiyi estetik müdaxilələri sosial şəbəkələr vasitəsilə də aktiv şəkildə reklam edir.

Belə ki, xüsusilə TikTok platformasında fəaliyyət göstərən “Bakı-Estetik” adlı səhifədə əməliyyat prosesləri, əvvəl-sonra görüntüləri və pasiyentlərin nəticələri mütəmadi olaraq paylaşılır. Bu paylaşımlar vasitəsilə yeni müştərilərin cəlb edildiyi, tibbi prosedurların isə açıq şəkildə nümayiş etdirildiyi bildirilir. Mütəxəssislər isə qeyd edir ki, bu cür həssas tibbi müdaxilələrin sosial şəbəkələrdə nəzarətsiz şəkildə reklam olunması həm etik, həm də hüquqi baxımdan ciddi suallar doğurur.

Artıq yeni fəaliyyət dövründə də narazılıqların ortaya çıxdığı bildirilir. Bəzi vətəndaşların yenidən onun keçirdiyi əməliyyatlardan şikayətçi olduğu qeyd olunur. Bu isə məsələni yenidən ictimai müzakirələrin mərkəzinə gətirib.

Mütəxəssislər bildirir ki, estetik və cərrahi müdaxilələrin yalnız rəsmi icazəsi və peşəkar ixtisası olan şəxslər tərəfindən həyata keçirilməsi vacibdir. Əks halda, bu cür halların insan sağlamlığı üçün ciddi təhlükə yaratdığı danılmazdır.Ümid edirik ki, aidiyyəti dövlət qurumları məsələni diqqətdə saxlayaraq vətəndaşların təhlükəsizliyinin təmin olunması üçün lazımi addımlar atacaq və iddialara hüquqi qiymət veriləcək.//AzTimes.az

]]>

İngiltərədə meningokok infeksiyası ilə bağlı yayılan xəbərlər geniş rezonans doğurub və məsələ artıq yalnız lokal hadisə kimi deyil, daha geniş epidemioloji risk kontekstində qiymətləndirilir.

"Duzxeber.az" xəbər verir ki, Böyük Britaniyanın Səhiyyə Təhlükəsizliyi Agentliyinin (UKHSA) ilkin məlumatına görə, Kent bölgəsində, xüsusilə Kenterberi (Canterbury) ətrafında 34 yoluxma halı qeydə alınıb. Daha sonra aparılan laborator yoxlamalar nəticəsində bu rəqəm dəqiqləşdirilərək 23 təsdiqlənmiş hala qədər azaldılıb.

Bununla belə, mütəxəssislər qeyd edir ki, meningokok infeksiyası nadir rast gəlinməsinə baxmayaraq, son dərəcə təhlükəli xəstəliklər sırasına daxildir və qısa müddətdə ağır nəticələrə səbəb ola bilər. Xəstəlik əsasən beyin qişalarının iltihabı (meningit) və qanın zəhərlənməsi (sepsis) ilə müşayiət olunur. Yoluxma baş verdikdən sonra simptomlar sürətlə inkişaf edir, yüksək hərarət, güclü baş ağrısı, boyun sərtliyi, şüur bulanıqlığı, qusma və dəridə qan sızması ilə bağlı səpgilər müşahidə oluna bilər. Ağır hallarda infeksiya qana yayılaraq orqanların fəaliyyətini pozur və həyati risk yaradır.

Yoluxmaların əsasən Kent bölgəsində cəmləşməsi və bəzi halların ictimai məkanlar, əyləncə obyektləri və tələbə mühiti ilə əlaqəsinin araşdırılması infeksiyanın yayılma mexanizminə dair suallar doğurur. Epidemioloji əlaqələrin müəyyənləşdirilməsi istiqamətində araşdırmalar davam edir.
Rəsmi qurumlar vəziyyətin hazırda nəzarət altında olduğunu və geniş əhali üçün riskin aşağı qiymətləndirildiyini bildirir. Yoluxmuş şəxslərlə təmasda olanlara profilaktik antibiotik müalicəsi tətbiq olunur, risk qrupları üçün isə peyvəndləmə tədbirləri genişləndirilir.
Bununla yanaşı, mütəxəssislər vurğulayır ki, meningokok infeksiyası geniş yayılma xüsusiyyəti ilə deyil, fərdi hallarda sürətli və ağır gedişi ilə seçilir. Bu baxımdan bəzi ekspertlər xəstəliyin ayrı-ayrı hallarda koronavirusdan daha ağır fəsadlara səbəb ola biləcəyini qeyd edir. Əgər belə infeksiyalar lokal səviyyədən çıxaraq geniş yayılma mərhələsinə keçərsə, epidemioloji nəzarət tədbirlərinin, o cümlədən məhdudiyyətlərin tətbiqi istisna olunmur.

Hazırda vəziyyət səhiyyə qurumları tərəfindən diqqətlə izlənilir və əsas məqsəd infeksiyanın yayılmasının qarşısını vaxtında almaq, dünyanı yenidən evə qapanmaqdan qorumaqdır. (Musavat.com)

]]>

Duzxeber.az: - Dövlət laboratoriyaları ilə bağlı ortaya çıxan korrupsiya iddialarında ən diqqət çəkən məqamlardan biri də satınalma proseslərində qurulduğu deyilən gizli mexanizmdir.

Bəzi xarici laboratoriya avadanlığı və reagent istehsalçılarına Azərbaycanda fəaliyyət göstərmək üçün xüsusi şərtlər irəli sürülüb.

İddialara görə, həmin şirkətlərə bildirilib ki, əgər dövlət qurumları ilə işləmək istəyirlərsə, yalnız müəyyən edilmiş yerli şirkətlə tərəfdaşlıq etməlidirlər. Əks halda onların məhsulları dövlət tərəfindən alınmayacaq. Bu isə faktiki olaraq bütün satınalmaların eyni şirkət üzərindən həyata keçirilməsinə gətirib çıxarıb.

Nəticədə laboratoriya avadanlıqları, test sistemləri və reagentlərin alınması üzrə böyük məbləğli müqavilələrin eyni şirkət vasitəsilə bağlandığı bildirilir. Bu isə dövlət satınalmalarında rəqabətin məhdudlaşdırılması və gizli monopoliyanın yaradılması ilə bağlı ciddi suallar doğurur.//Nocomment.az

]]>

Duzxeber.az: - -Bakı şəhərində fəaliyyət göstərən Bakı Bərpa Mərkəzi ilə bağlı narazılıq iddiası gündəmə gəlib.

Pasiyent Bağırov Azər Denmedia.az-ın qaynar xəttinə şikayət edərək bildirib ki, mərkəzdə aparılan müalicə prosesi onun səhhətində yaxşılaşma yaratmaq əvəzinə vəziyyətini daha da ağırlaşdırıb.

Onun sözlərinə görə, 28 noyabr 2025-ci il tarixində həkim Kamil Eyvazovun qəbulunda olub. Həmin zaman ona bel nahiyəsində MRT müayinəsi təyin edilib və nəticədə 3 mm ölçüdə yırtıq aşkar olunub. Bundan sonra həkim tərəfindən müalicə və fizioterapiya prosedurları təyin edilib.

Pasiyent bildirir ki, elə həmin klinikanın özündə 14 gün ərzində fizioterapiya prosedurlarına qatılıb. Lakin onun iddiasına görə, müalicə gözlənilən nəticəni verməyib və əksinə, ağrılar daha da güclənib. Hətta təzyiq problemi yarandığını qeyd edən pasiyent bu barədə həkimin köməkçisinə məlumat verdiyini, lakin bunun müalicə ilə əlaqəli ola bilməyəcəyinin deyildiyini bildirir.

Azər Bağırovun sözlərinə görə, müalicə prosesində ona dəfələrlə əməliyyat olunmasının vacibliyi bildirilib. Dekabr ayında yenidən həkim qəbulunda olduqda isə yenidən müalicə təyin olunsa da, vəziyyətində yaxşılaşma olmayıb. Pasiyent iddia edir ki, sonradan ayağından 60 ml maye çəkilib və bunun təhlükəli olmadığını bildirilsə də, bundan sonra ağrılar daha da artıb. Daha sonra həkim tərəfindən diz nahiyəsinin MRT müayinəsi istənilib. MRT nəticələrinə baxdıqdan sonra isə diz oynağının ciddi zədələndiyi bildirilib və ona başqa tibb müəssisəsinə müraciət etməsi tövsiyə olunub.

Pasiyent daha sonra digər həkimlərə müraciət etdiyini və aldığı müalicələr barədə məlumat verdiyini bildirir. Onun sözlərinə görə, həmin həkimlər dizində problem olduğu halda fizioterapiya prosedurlarının tətbiq edilməsinin düzgün olmadığını bildiriblər. Şikayətçinin sözlərinə görə, tətbiq olunan müalicə üsulları onun səhhətinə zərər vurub və nəticədə maddi itkiyə məruz qalıb. Ümumilikdə 450 manat məbləğində vətəndaşa ziyan dəyib və bu ziyanın qarşılanmasını tələb edib.

Məsələ ilə bağlı qarşı tərəfin , Bakı Bərpa Mərkəzinin və həkim Kamil Eyvazovun mövqeyini öynənməyə çalışsaqda bu mümükün olmayıb. Mövzunu diqqətdə saxlayacağıq və qarşı tərəfin də mövqeyini dərc etməyə hazırıq.(Denmedia.az)

]]>

]]> admin Mon, 23 Mar 2026 13:30:32 +0400 Sığortaolunanları dərman və tibb vasitələri ilə TƏBİB təmin edəcək https://duzxeber.az/gundem/2343-sortaolunanlar-drman-v-tibb-vasitlri-il-tbb-tmin-edck.html https://duzxeber.az/gundem/2343-sortaolunanlar-drman-v-tibb-vasitlri-il-tbb-tmin-edck.html

İcbari Tibbi Sığorta üzrə Dövlət Agentliyinin sığortaolunanların dərman və tibb vasitələri ilə təmin edilməsi ilə bağlı hüquq və öhdəlikləri Tibbi Ərazi Bölmələrini İdarəetmə Birliyinə (TƏBİB) keçib.

"Duzxeber.az" xəbər verir ki, bu barədə Prezident İlham Əliyevin imzaladığı əhalinin icbari tibbi sığortası sahəsində idarəetmənin təkmilləşdirilməsi ilə bağlı bir sıra tədbirlər haqqında Fərmanda əks olunub.

]]> admin Thu, 19 Mar 2026 18:49:19 +0400 İcbari Tibbi Sığorta Agentliyinin səlahiyyətləri ƏƏSMN-ə verildi - FƏRMAN https://duzxeber.az/gundem/2341-cbari-tibbi-sorta-agentliyinin-slahiyytlri-smn-verildi-frman.html https://duzxeber.az/gundem/2341-cbari-tibbi-sorta-agentliyinin-slahiyytlri-smn-verildi-frman.html

İcbari Tibbi Sığorta üzrə Dövlət Agentliyinin (İTSDA) əhalinin icbari tibbi sığortası sahəsində səlahiyyətləri Əmək və Əhalinin Sosial Müdafiəsi Nazirliyinə (ƏƏSMN) həvalə edilib.

"Duzxeber.az" xəbər verir ki, bununla bağlı Prezident İlham Əliyev Fərman imzalayıb.

Fərmana əsasən, İTSDA və ƏƏSMN-nin tabeliyində Dövlət Tibbi-Sosial Ekspertiza və Reabilitasiya Agentliyi publik hüquqi şəxsin birləşmə formasında yenidən təşkili yolu ilə nazirliyin tabeliyində Dövlət Tibbi Sığorta və Ekspertiza Agentliyi publik hüquqi şəxs yaradılıb.

]]>

"Bölgələrdə tibb mütəxəssisləri çatışmazlığı var".

"Duzxeber.az" xəbər verir ki, bunu deputat Şahin Seyidzadə deyib.

"Tibb məntəqəsi var, amma mütəxəssis yoxdur", - deyə o bildirib.

]]> admin Wed, 18 Mar 2026 15:00:34 +0400 "Verteba” klinikasın tibb təhsili olmayan həkimlər işləyirmiş - ADLAR https://duzxeber.az/gundem/2303-verteba-klinikasn-tibb-thsili-olmayan-hkimlr-ilyirmi-adlar.html https://duzxeber.az/gundem/2303-verteba-klinikasn-tibb-thsili-olmayan-hkimlr-ilyirmi-adlar.html

Səhiyyə Nazirliyi tərəfindən Bakının Binəqədi rayonunda fəaliyyət göstərən “Verteba” klinikasında yoxlama keçirilib.

Duzxeber.az-ın Teleqraf-dan əldə etdiyi məlumata görə, keçirilən yoxlama zamanı sertifikatsız, orta ixtisas tibb təhsili olmadan “fizioterapevtik” işi üzrə masaj proseduralarının həyata keçirilməsi aşkar edilib.

Həmin fəaliyyət Səadət Nəsibova, Urqaya Rzayeva və Pəri Nərimanova tərəfindən həyata keçirilib.

Nəticədə nazirlik tərəfindən klinika barədə İnzibati Xətalar Məcəlləsinin 215.4-cü maddəsi üzrə protokol tərtib edilərək baxılması üçün məhkəməyə göndərilib. Məhkəmənin qərarına əsasən, “Verteba” klinikası 6000 manat cərimələnib.

Qeyd edək ki, “Vertebra” Onurğa Tibb Mərkəzinin baş həkimi İradə Hacıyevadır. Holdinqin rəhbəri isə İlqar Əliyevdir.//Teleqraf

]]>

Azərbaycanda nadir hallarda rast gəlinən və spesifik müalicə tələb edən xəstəliklərin müalicəsi üçün nəzərdə tutulan dərman vasitələrinin siyahısında dəyişiklik edilib.

Duzxeber.az-ın "Report"a istinadən məlumatına görə, bununla bağlı Səhiyyə Nazirliyinin Kollegiyası müvafiq qərar qəbul edib.

Dəyişikliyə əsasən, "Trikafta", "Kalideko" , "Orencia" , "Livmarli" adlı dərman vasitələri həmin siyahıya əlavə edilib. Bununla da siyahıda yer alan dərmanların sayı 131-ə çatıb.

]]>