Bu ölkələrin vətəndaşları Azərbaycana ildə üç dəfə vizasız gələ biləcəklər

Səudiyyə Ərəbistanı Krallığının, Oman Sultanlığının, Küveyt Dövlətinin və Bəhreyn Krallığının vətəndaşları Azərbaycan Respublikasının ərazisinə bir il ərzində üç dəfə vizasız daxil ola biləcəklər.

Duzxeber.az  xəbər verir ki, bu il fevralın 15-dən tətbiq olunmağa başlanan yeni qayda 2027-ci il fevralın 15-dək qüvvədə qalacaq. Hər bir gəliş zamanı ölkədə qalma müddəti 30 günə qədərdir. Adı çəkilən dövlətlərin vətəndaşları il ərzində dördüncü gəlişlərində keçərli viza təqdim etməlidirlər.

Bu barədə məlumat sözügedən dövlətlərin XİN-lərinin rəsmi internet saytlarında yerləşdirilib.