Rusiyada məktəbli sinif rəhbərini bıçaqladı

Rusiyanın Perm diyarının Dobryanka şəhərində 17 yaşlı şagird məktəbin girişində sinif rəhbərini bıçaqlayıb.  

“Duzxeber.az” xəbər verir ki, bu barədə regionun qubernatoru Dmitri Maxonin öz teleqram kanalında məlumat yayıb.

Hücuma məruz qalan 55 yaşlı müəllim xəstəxanaya çatdırılsa da, onun həyatını xilas etmək mümkün olmayıb. 

Bildirilib ki, hadisəyə səbəb qadın müəllimin 9-cu sinif şagirdi olan məktəblini imtahana buraxmaması olub. Buna cavab olaraq, o, müəllimin boyun, bel və qarın nahiyəsinə bir neçə bıçaq zərbəsi endirib. 

Hadisəni törədən məktəbli saxlanılıb. Onun təhsillə bağlı problemləri olduğu və ötən il də sinifdə qaldığı qeyd olunub. //Qafqazinfo