Bu keçmiş SSRİ ölkəsində kişi qıtlığı yaranıb

Latviyada kişilərin kəskin çatışmazlığı səbəbindən qadınlar ev işlərində kömək etmək üçün getdikcə “bir saatlıq ər”lərə daha çox müraciət edirlər.

Duzxeber.az xəbər verir ki, bu barədə “The Post” qəzetinin məlumatında bildirilib.

“Avrostat”ın son hesabatına görə, Latviyada qadınlar kişilərdən 15,5% çoxdur – bu göstərici Avropa Birliyinin orta göstəricisindən üç dəfədən çoxdur.
“World Atlas”a görə, Latviyada 65 yaşdan yuxarı əhali arasında da qadınlar kişilərdən iki dəfə çoxdur.
Nəticədə, ölkədə sözün əsl mənasında qadınlara uyğun kişi namizədlər qıtlaşıb.

Festivallarda işləyən Danya adlı xanım “Sun” qəzetinə verdiyi müsahibədə həmkarlarının 98%-nin qadınlar olduğunu bildirib.
“Bununla bağlı heç bir problem yoxdur… amma vəziyyəti tarazlaşdırmaq üçün daha çox kişinin flört etməsini və ya sadəcə söhbət etməsini istərdim”, – deyə o, təəssüflə bildirib.
“Bu, daha maraqlı olardı. Kişi qıtlığına görə də bütün rəqfiqələrim xaricə getdilər və orada sevgililər tapdılar”, – deyə Danyanın rəfiqəsi Zeyn əlavə edib.
Latviyada “kişi boşluğunu” doldurmaq üçün qadınlar Danimarkadakı kimi ev işlərində onlara kömək etmək üçün “bir saatlıq ər” işə götürməyə imkan verən xidmətlərə müraciət edirlər.
Remontdarbi.lv xidməti qadınlara onlayn və ya telefonla “bir saatlıq ər” istəməyə imkan yaradıb və onlar bir saat ərzində çağırılan ünvana gəlirlər.
Latviyada “Komanda24” kimi oxşar platformalarda bum yaşanır. Qadınlar bu platformalardan bir neçə avroya “Qızıl əlli kişilər”i santexnika, dülgərlik, təmir və ya televizor quraşdırmaq üçün “işə götürə” bilərlər – bunların hamısı yöndəmsiz görüş və ya tanışlıq olmadan baş tutur.
“Bir saatlıq ər” gələndə onlar hər şeyi edirlər: divarları rəngləyirlər, pərdələri düzəldirlər və digər ev işləri görürlər və ölkədə kişi çatışmazlığının aradan qaldırılmasına kömək edirlər.
Bəs Latviyada niyə belə kəskin gender bərabərsizliyi var?
Mütəxəssislər bunu kişilərin sağlamlıq problemləri və həyat tərzi seçimləri səbəbindən ömürlərinin xeyli qısa olması ilə əlaqələndirirlər.
“Kişilərin siqaret çəkməyə meyli təxminən üç dəfə çoxdur – kişilərin 31%-i, qadınların 10%-i isə siqaret çəkir. Kişilərin həm də piylənmə və ya artıq çəkili olma ehtimalı bir qədər yüksəkdir: kişilərin 62%-i, qadınların isə 57%-i”, – deyə “World Atlas” bildirir.
“Ər kirayəsi” ideyası təkcə Latviyada deyil, həm də dünyada məşhurlaşıb.
2022-ci ildə üç uşaq anası Laura Young əri Ceymsi əlavə ödəniş müqabilində ev işləri görmək üçün başqa qadınlara “icarəyə verməyə” başladıqdan sonra bu təcrübə geniş yayıldı.
Bəzi qadınların “Əlverişli ərimi kirayələyin” adlı gəlirli biznesi bütün növ ev təmiri, rəngləmə, dekorasiya, kafel və xalça döşəmə işlərini əhatə edir.
42 yaşlı Ceymsin bütün noyabr ayı üçün saatda 44 dollar və gündə təxminən 280 dollar ödənişi tam şəkildə ödənilib. Cütlük qeyd edir ki, tələbat o qədər yüksəkdir ki, bəzən sifarişləri rədd etməli olurlar.