Pedaqoq və Permanent makiyajı üzrə master Firuzə Axundova Tahir: "İşlərimdə təbii görünüş, səliqə və incə zövq əsas fərqimdir"

- Firuzə xanım, necə oldu ki, bu sahəyə gəldiniz?

- Mən ixtisasca müəlliməm. Artıq 24 ildir ki, 2 saylı Bakı Baza Tibb Kollecində İctimai elmlər əsasları kafedrasında Azərbaycan tarixi fənnini tədris edirəm. Bununla yanaşı, gözəllik sahəsinə olan böyük marağım və xanımların özünə inamını artırmaq istəyi məni permenant makiyaj sahəsinə gətirdi. 

- Neçə ildir ki, bu sahədəsiniz? 

- Mən artıq 10 ildir ki, bu sahədəyəm və bu peşəni çox sevirəm. Bu illər ərzində bir çox yarışlarda iştirak etmişəm və layiqincə yerlər qazanmışam. Xüsusən, 2025-ci ilin sentyabr ayında Azərbaycanda keçirilən “Wullop Dünya Çempionatı”nda Permanent Powder Effekti texnikası üzrə ikinci yerə layiq görüldüm. Birinci yeri isə Qazaxıstan nümayəndəsi qazandı. Bu işimə çox zaman və zəhmət sərf edirəm və keçirilən bütün master-klasslarda iştirak etməyə çalışıram və bu fəaliyyətim beynəlxalq sertifikatlarla təsdiqlənir. 

-    Öz sahəniz üzrə hansı işləri icra edirsiniz?

- Qaş, göz və dodaqlar üçün permenant makiyajın bütün texnikalarını icra edirəm. Eyni zamanda saç dibi permenantı – trixopiqmentasiya (saç dibi piqmentasiyası), kiprik laminasiyası və qaş laminasiyası xidmətlərini həyata keçirir, köhnə tattoo və permanenti lazerlə silirəm, bu sahə üzrə professional təlimlər keçirəm,

- İş prinsipiniz nədən ibarətdir?

- Təbii görünüş, gigiyena qaydalarına tam riayət və hər müştəriyə fərdi yanaşma — əsas prinsipim budur.

- Bir mütəxəssis olaraq nəyə “yox” deyirsiniz?

- Üz quruluşuna uyğun olmayan, həddindən artıq süni görünən, sağlamlığa risk yaradan prosedurlara  və keyfiyyətsiz materiallarla işləməyə qəti “yox” deyirəm. 

-     Son zamanlarda sizə daha çox nə ilə bağlı müraciətlər olur?

- Son zamanlarda mənə müxtəlif prosedurlar üzrə müraciət olunur: qaş, göz və dodaqlar üçün permenant makiyajın bütün texnikalarına görə, həmçinin qaş və kiprik laminasiyaları da daxil olmaqla. Ümumilikdə, digər bütün texnikalar üzrə xidmətlər üçün də müraciət edilir. 

- Üstünlüyünüz və fərqiniz nədir?

- 24 illik pedaqoji təcrübəm və 10 illik permenant makiyaj sahəsində mütəxəssis kimi fəaliyyətim sayəsində insanlarla ünsiyyətim güclüdür. İşlərimdə təbii görünüş, səliqə və incə zövq əsas fərqimdir. Həm müəllim, həm də mütəxəssis kimi hər zaman məsuliyyətlə yanaşıram. 

-     Xarakter olaraq necə birisiniz?

- Səbirli, məsuliyyətli, dəqiq və insanlara faydalı olmağı sevən biriyəm. 

- Ailəlisinizmi?

- Bəli, ailəliyəm və ailəm, xüsusən də iki qız övladım, bu sahədə mənə böyük dəstək olublar. 

- Oxuculara nə məsləhət görürsünüz?

- Hər zaman özünüzə dəyər verin, gözəlliyinizi peşəkar mütəxəssislərə etibar edin və ən əsası təbii görünüşü qoruyun. 

- "Mən bu sahəyə gələrkən, ağlıma gəlməzdi ki, …”

“…iki peşəmi eyni zamanda idarə edə biləcəyimi və ikisini də uğurla icra edə biləcəyimi ağlıma gətirməzdim. Eyni zamanda permenant makiyaj üzrə mütəxəssis kimi fəaliyyət göstərərək, minlərlə xanımın gözəlliyini artıracaq və onlara özünəinam bəxş edəcəm. Bu uğurlarım üçün birinci növbədə Allahıma, ikinci növbədə isə əzizlərimə, xüsusən də qızlarıma minnətdaram.”


Əlaqə nömrəsi: (+99450) 3893133  
                        (+99455) 6669969