Vüsal Aslanov elektrik avadanlıqları alır

“Bakı Metropoliteni” QSC yeni tenderini elan edib.
Duzxeber.az xəbər verir ki, bununla bağlı qurum rəsmi saytda məlumat yerləşdirib.
Bildirilir ki, “Bakı Metropoliteni” QSC üçün suxaric qurğularında istifadə edilən nasos aqreqatlarının idarəetmə panellərinin və elektrik gərginliyinin avtomatik qurğusunun satın alınması həyata keçiriləcək. Bu məqsədlə QSC 65 min 938 manat pul ayırmaq fikrindədir.
Həmin pulun bir hissəsinə “Bakı Metropoliten”i suxaric qurğularında istifadə olunan nasos aqreqatlarının idarəetmə panellərini alacaq. Onların sayı 4 olacaq. Bundan başqa, vəsaitin digər qalanı elektrik gərginliyinin avtomatik tənzimləmə qurğularının alınmasına sərf ediləcək.
Xatırladaq ki, bu yaxınlarda “Bakı Metropoliten”də elektriklə bağlı ciddi problem yaranmışdı. Məlum olmuşdu ki, qurumun balansında olan generatorlar elktrik kəsintisindən sonra avtomatik dövriyyəyə qoşulmayıb.