“Azəriqaz” rəhbərliyi mahiyyəti dəyişməyə çalışır? - Bir idarə rəisini dəyiməklə...

Duzxeber.az: - “Azəriqaz” İstehsalat Birliyinin Ağsu Regional Qazi İstismar İdarəsinin rəisi Namik Məmmədov və baş mühəndisi Elşən Rəhimov vəzifələrindən azad edilib. Baş direktor Azər Məmmədovun imzaladığı əmrə əsasən, idarənin rəisinin səlahiyyətləri müvəqqəti olaraq Samir Qasımova həvalə olunub.

Redaksiyamız bir gün əvvəl “Azəriqaz”ın İctimaiyyətlə əlaqələr və korporativ kommunikasiya şöbəsinə sorğu göndərsə də, hələ rəsmi cavab verilməyib. Eyni zamanda hüquq-mühafizə orqanları Namik Məmmədov və idarənin digər vəzifəli şəxsləri barədə araşdırmalara başlayıb.

Namik Məmmədov bu vəzifəyə qədər Lənkəran Regional Qaz İstismarı İdarəsinin rəisi olub və ötən ilin iyun ayında Ağsu idarəsinə təyin edilmişdi. /Qaynarinfo/

Bizimesr.az bildirir ki, daxil olan şikayətlər göstərir ki, ölkənin demək olar bütün rayonlarında vətəndaşlar aşağıdakı problemlərlə üzləşir, kart ödənişlərində hər dəfə əlavə 1 manat çıxılması, sayğaclarda qeyri-dəqiq ölçü və səhvlər, əlavə ödəmələrin və “gizli xərclərin” yüklənməsi...

Məsələn, daxil olan şikayətdə sakinlər bildirir ki, hər dəfə qaz kartına pul yükləyərkən əlavə 1 manat çıxılır və bunun səbəbi açıqlanmır. Digər rayonlarda isə sayğaclar düzgün işləmir, sakinlər hətta istifadə etmədikləri qaz üçün də əlavə ödəniş ödəməli olurlar.

Belə vəziyyətdə idarə rəisinin işdən çıxarılması məsələnin köklü həlli deyil. Bu problemlər sistem xarakteri daşıyır və “Azəriqaz” İstehsalat Birliyinin rəhbərliyi tərəfindən yaradılmış mexanizmlərin nəticəsidir.

Yalnız bir idarə rəisini işdən çıxarmaqla vətəndaşların əziyyəti aradan qalxmayacaq. Vətəndaşların narazılığı göstərir ki, problem yalnız yerli idarələrdə deyil, bütün sistemdədir. “Azəriqaz”ın rəhbəri Azər Məmmədov tərəfindən tətbiq olunan ödəniş və sayğac sistemi ciddi tənqid olunur. Yalnız idarə rəisini çıxarmaqla vəziyyətin düzələcəyi düşüncəsi sadəlövhlükdür.//Bizimesr.az