Yaraşıqlı olduğu üçün rol vermədilər

Türkiyəli müğənni və aktyor Emre Altuğ maraqlı açıqlaması ilə gündəmə gəlib. O bildirib ki, bəzən xarici görünüşü aktyor karyerasında ona mane olub.

Duzxeber.az-ın məlumatına görə sənətçi deyib ki, yaraşıqlı göründüyü üçün bəzi rollar ona verilməyib. Prodüserlər və rejissorlar müəyyən obrazlar üçün onu uyğun hesab etməyiblər. Bu səbəbdən oynamaq istədiyi bəzi rolları itirdiyini etiraf edib.

Aktyor xüsusilə Eve Giden Yol filmi ilə bağlı xatirəsini bölüşüb. Onun sözlərinə görə, həmin filmdə mənfi obrazı canlandırmaq istəyib, lakin əvvəlcə buna etiraz edilib. Rejissor tərəfi belə obrazın ona uyğun görünmədiyini düşünürdü.

Emre Altuğ bildirib ki, rolu almaq üçün hətta görünüşünü dəyişməyə çalışıb. Dişlərini qəsdən saraltdığını, fərqli makiyajdan istifadə etdiyini və özünü daha sərt göstərməyə çalışdığını deyib.

Aktyor əlavə edib ki, sənətçi üçün ən vacib məsələ müxtəlif xarakterləri oynamaqdır. Onun fikrincə, aktyor yalnız xarici görünüşə görə müəyyən obrazlarla məhdudlaşdırılmamalıdır.