ABŞ desant qüvvələrini Yaxın Şərqə göndərir

ABŞ 82-ci Hava-Desant Diviziyasından 1000 əsgəri yaxın günlərdə Yaxın Şərqə göndərəcək. 

"Duzxeber.az" xəbər verir ki, bu barədə "Associated Press" ABŞ hökumətindəki hərbi mənbəyə istinadən yazıb. 

Məlumata görə, qüvvələrin tərkibinə 1-ci Briqada Döyüş Komandasından bir batalyon daxildir. Diviziyanın komandiri general-mayor Brandon Tegenmeyer komandanlıq heyəti ilə birlikdə bir missiyaya göndəriləcək.

82-ci Hava-Desant Diviziyası düşmən və ya mübahisəli ərazilərə paraşütlə tullanmaq və hava limanları kimi strateji yerləri ələ keçirmək üçün təlim keçib.