Uşağını döyən ata və analar cərimə ediləcək

Artıq ölkəmizdə uşaqların tərbiyəsi və ya intizamın təmin edilməsi bəhanəsi ilə onlara qarşı zorakılıq göstərilməsinə görə məsuliyyət müəyyənləşib.
Milli Məclisin növbəti iclasında İnzibati Xətalar Məcəlləsinə edilən dəyişikliklər təsdiqlənib. Yeni qanunvericilik aktına əsasən, valideynlər, habelə uşaqlarla birbaşa işləyən müəssisə (təhsil, tibb, idman, sosial və s.) əməkdaşları tərəfindən azyaşlılara qarşı cismani cəza və ya psixoloji təzyiq göstərilməsi qadağan edilir.

Duzxeber.az xəbər verir ki, Belə hal aşkar edildikdə, qanunu pozan şəxslər 200 manat məbləğində cərimə olunacaqlar.
Qeyd edək ki, sözügedən cərimə yalnız həmin əməllərin Cinayət Məcəlləsi üzrə daha ağır cinayət tərkibi yaratmadığı hallarda tətbiq olunacaq. Layihə parlamentdə üçüncü oxunuşdan keçərək qəbul edilib.//32gun.az