Canlı yayım
13.12.2025

İranlı ekspert: “Zəngəzur dəhlizini 1000-1500 ABŞ hərbçisi qoruyacaq”


“İranın Rusiya və Çinlə əməkdaşlığının dərinləşdirilməsi Qafqaz regionunda tarazlığın qorunması üçün çox vacibdir.
“Tramp yolu” əslində hər üç ölkənin Qafqazdakı təsirini azaltmağı hədəfləyir”.
Duzxeber.az bildirir ki, bu fikirlər İrandakı anti-Azərbaycan qruplaşmasının üzvlərindən olan ekspert Ehsan Movahhadiana məxsusdur.
O, “Mehr” Agentliyi üçün yazdığı yazıda Zəngəzur dəhlizi ilə Panama kanalını müqayisə edib. Bildirib ki, Trampın Cənubi Qafqazdakı marşrutu, bəlkə də, Amerikanın quruda Panama Kanalı kimi təsvir edilə bilər. “Panama kanalı ilə Zəngəzur dəhlizi “tranzit dəhlizləri”dir və tələb olunan məsafəni və vaxtı azaltmaqla malların, enerjinin və ya tranzitin vacib bölgələr arasında daşınması üçün həyati əhəmiyyət kəsb edən bir yol hesab olunur”.
O qeyd eddib ki, Zəngəzur dəhlizinin yaradılması Naxçıvan və Türkiyəni Gürcüstan vasitəsilə Azərbaycana birləşdirən daha uzun marşruta alternativ olacaq.
Movahhadian iddia edib ki, Zəngəzur dəhlizinin qorunmasına 1000-1500 nəfərdən ibarət Amerika özəl hərbi şirkətinin əməkdaşının yerləşməsi ehtimalı çox yüksəkdir.
O yekunda İranın bu prosesdə hansı addımlar atması zərurətindən də bəhs edib. “İranın bu tendensiyanı izləməsi ən səhv addımdır. İran şərqdə Sərəxsdən qərbdə Çeşmə Söraya, Çabahar və Bəndər Abbasdan Ermənistan və Bakı sərhədlərinə qədər dəhliz yollarını tamamlamalı və Araz dəhlizində dəmir yolunun tikintisini ciddi şəkildə gündəmə gətirməlidir”.
İranlı ekspert onu da deyib ki, Ermənistanla münasibətlərin gücləndirilməsi də İranın gündəliyində olmalıdır.
Oxşar xəbərlər

Xəbər lenti