Ermənistanda NATO ilə birgə təlimlər başlayır

Kollektiv Təhlükəsizlik Müqaviləsi Təşkilatındakı fəaliyyətini donduran Ermənistanda iyunun 17-dən 25-dək "Eagle Partner" birgə təlimləri keçiriləcək
DuzXeber.az “TASS”a istinadla xəbər verir ki, beynəlxalq sülhməramlı əməliyyatlara hazırlıq çərçivəsində təşkil olunan manevrlərdə Ermənistan, ABŞ, Fransa və Yunanıstan hərbçiləri iştirak edirlər.
"Eagle Partner" təlimləri 2023-cü ildən etibarən keçirilir və əvvəllər yalnız Ermənistan-ABŞ formatında təşkil olunurdu. Bu il isə təlimlərə ilk dəfə Fransa və Yunanıstandan olan həmkarlar da qoşulublar.
Ermənistan tərəfini sülhməramlı briqadadan 250 hərbçi, ABŞ-ı Avropa və Afrikadakı quru qoşunlarının, eləcə də Kanzas Milli Qvardiyasının 58 hərbi qulluqçusu təmsil edir. Fransa və Yunanıstan isə təlimlərə müvafiq olaraq 24 və 11 nəfərlik heyət göndərib.