Metroda həyəcanlı anlar - Sərnişinlər təcili çıxarıldı - VİDEO

Ötən gecə Bakı metrosunun "Azadlıq Prospekti" stansiyasında problem yaşanıb.
DuzXeber.az xəbər verir ki, bununla bağlı videogörüntülər sosial şəbəkələrdə yayılıb.
Oxu.Az-a açıqlamasında "Bakı Metropoliteni" Qapalı Səhmdar Cəmiyyətinin mətbuat xidmətinin rəhbəri Bəxtiyar Məmmədov faktı təsdiqləyib.
"İyulun 29-da saat 23:55-də Bakı metropolitenini qidalandıran yüksəkgərginlikli elektrik kabel xəttində baş vermiş qısaqapanma səbəbindən "yaşıl xətt"in "Memar Əcəmi" - "Dərnəgül" sahəsində qatarların hərəkətində qısamüddətli fasilə yaranıb.
Operativ görülmüş tədbirlər nəticəsində alternativ elektrik mənbələrindən istifadə olunaraq qatarların hərəkəti qısa müddətdə bərpa edilib və Bakı metropoliteni normal iş rejimində fəaliyyətini davam etdirib", - deyə B. Məmmədov bildirib.
​https://baku.tv/dunyaa/gece-saatlarinda-metronun-isinde-problem-yaranib​​​