İspaniyaya görünməmiş miqrant axını: 34 nəfər suda batdı - VİDEO 27 89

İspaniyanın Seuta şəhərinə üzərək çatmağa çalışan ən azı 34 miqrant həyatını itirib.
DuzXeber.az xəbər verir ki, bu barədə RTVE teleradioşirkəti şəhər hökumətinin başçısı Xuan Xesus Vivasa istinadən xəbər yayıb.
Hökumət başçısı daha öncə qeyd edib ki, şəhərə təxminən 60 min miqrant daxil olub və bu rəqəm şəhər əhalisinin 70%-ni təşkil edir.
İspaniya mətbuatının əvvəlki məlumatlarına əsasən, minlərlə qeyri-qanuni miqrant şəhəri Mərakeşdən ayıran dalğaqıranı keçərək həm piyada, həm də üzərək Seutaya çata bilib. Kəskin miqrasiya böhranı fonunda İspaniya hakimiyyəti ərazidə təhlükəsizliyi təmin etmək və kömək məqsədilə ordu qüvvələrini cəlb etmək qərarına gəlib.