ABŞ-ın Yaxın Şərqdə strateji prioriteti dəyişir: Türkiyə ön planda, İsrail təklənir

İsrail mediası ABŞ-ın Yaxın Şərqdə strateji prioritetlərini dəyişdiyini və diqqətini İsrail əvəzinə Türkiyə ilə Səudiyyə Ərəbistanına yönəltdiyini iddia edib.
DuzXeber.az xəbər verir ki, “Haaretz” nəşrinə görə, Vaşinqtonun Türkiyəyə F-35 qırıcılarının satışını gündəmdə saxlaması bu siyasət dəyişikliyinin əsas göstəricilərindən biri hesab olunur.
Bildirilir ki, bu addım hazırda güclü olan Türkiyə Hərbi Hava Qüvvələrinin imkanlarını daha da artıracaq.
Həmçinin, ABŞ-la İsrail arasında hərbi əməkdaşlığın davam etməsinə baxmayaraq, Təl-Əvivin siyasi səviyyədə, xüsusilə İran məsələsində Vaşinqtonun qərarlarına təsir imkanlarının zəiflədiyi vurğulanıb. ABŞ-ın İrana qarşı əməliyyatlar zamanı İsraili kənarda saxladığı və Hörmüz boğazı ilə bağlı əməliyyata dəvət etmədiyi də qeyd edilib.
İsrail mediası əlavə edib ki, ABŞ-ın Səudiyyə Ərəbistanı ilə nüvə əməkdaşlığını genişləndirməsi, Livan və İraqla münasibətlərini inkişaf etdirməsi, eləcə də Türkiyənin F-35 proqramına qayıtması fonunda Təl-Əvivdə ölkənin regionda getdikcə təkləşdiyi ilə bağlı narahatlıqlar artır./Roza/