Əli Şəfiyevi Qaradağda KİM HİMAYƏ EDİR Kİ... - KARXANA İŞLƏDİR...

Qaradağ rayonu ərazisində qanunsuz daş, qum və çınqıl çıxarılan mədənlərin fəaliyyətinə kimlər icazə verib?

Duzxeber.az XALQ-a istinadən xəbər verir ki, heç bir rəsmi icazəsi olmadan fəaliyyət göstərən karxanalar vergidən yayınır və əraziyə ekoloji zərər vururlar. Bu səbəbdən Ekologiya və Təbii Sərvətlər Nazirliyin yanında Dövlət Mineral Xammal Ehtiyatları Agentliyi, Dövlət Əmlak Komitəsi və Vergi orqanları tərəfindən ciddi nəzarət olunmur.

Qeyd edək ki, ötən ay Qaradağ Rayon İcra Hakimiyyətinin başçısı müavini Nadir Muradov Baş Prokuror yanında Korrupsiyaya qarşı Mübarizə Baş İdarəsinin apardığı yoxlamalar nəticəsində, vəzifədən sui-istifadə və digər korrupsiya faktlarına görə həbs edilib və barəsində 4 aylıq həbs qətimkan tədbiri seçilib; onunla birlikdə İcra Hakimiyyətinin digər vəzifəli şəxsləri və Əmlak Məsələləri Dövlət Xidmətinin əməkdaşı da həbs olunublar.
Lakin göründüyü kimi 15 ildir Qaradağ rayonu İcra Hakimiyyətinin başçısı olan Süleyman Mikayılov bu kimi ciddi qanun pozuntularından nəticə çıxarmayaraq rayon ərazisində fəaliyyət göstərən karxanalara hansı şərtlərlə icazə verdiyi müəmmalıdır.

Heç bir rəsmi icazəsi olmadan fəaliyyət göstərən daş karxanası Əli Şəfiyev adlı şəxs tərəfində fəaliyyət göstərməsi ilə bağlı məlumatlar verilir.
Məsələ ilə bağlı rayon İcra Hakimiyyətindən və aidiyyatı qurumlardan heç bir açıqlama almaq mümkün olmadı.