Bu deputatlara yeni vəzifə verilir

Milli Məclisdə daha 5 parlamentlərarası əlaqələr üzrə İşçi qrupu formalaşdırılır.

Duzxeber.az  xəbər verir ki, bu, Milli Məclisin Beynəlxalq münasibətlər və parlamentlərarası əlaqələr komitəsinin ötən gün keçirilən onlayn iclasında müzakirə olunan “Azərbaycan Respublikası Milli Məclisinin parlamentlərarası əlaqələr üzrə işçi qruplarının rəhbərlərinin seçilməsi haqqında” Milli Məclisinin Qərarında dəyişikliklər edilməsi barədə qərarı layihəsində öz əksini tapıb.

Layihəyə əsasən, iş qruplarının sədrləri aşağıdakı deputatlar olacaq:

Azərbaycan - Keniya parlamentlərarası əlaqələr üzrə işçi qrupu: Namazov Ramid Zakir oğlu;
Azərbaycan - Qambiya parlamentlərarası əlaqələr üzrə işçi qrupu: Qurbanov Eyvaz Daşdəmir oğlu;
Azərbaycan - Laos parlamentlərarası əlaqələr üzrə işçi qrupu: Paşayeva Gülşən Məmmədəli qızı;
Azərbaycan - Maldiv parlamentlərarası əlaqələr üzrə işçi qrupu: Allahverənov Azər Kərim oğlu;
Azərbaycan - Nepal parlamentlərarası əlaqələr üzrə işçi qrupu: Qafarov Vasif Vaqif oğlu.