İran ABŞ-dən kompensasiya tələb edir

İran vasitəçiliklə əldə edilən atəşkəs təşəbbüslərini rədd edir və ABŞ ilə danışıqlar üçün öz şərtlərini irəli sürür.

"Duzxeber.az" xəbər verir ki, bu barədə  Livanın "Əl-Mayadeen" televiziya kanalı mənbələrə istinadən bildirib. 

Telekanalın məlumatına görə, İslam Respublikasının rəhbərliyi vasitəçilərin hazırkı təkliflərini qeyri-kafi hesab etdiyi və daha aydın öhdəliklərdə israr etdiyi üçün rədd edir.

Xüsusilə, Tehran ABŞ-dən gələcəkdə hücuma qarşı zəmanət, kompensasiya ödənilməsi və İranın nüvə enerjisi obyektlərində tam nüvə yanacaq dövriyyəsini həyata keçirə biləcəyinə dair razılıq tələb edir.

Xatırladaq ki, ötən gün İranın xarici işlər naziri Abbas Əraqçi bildirib ki, İslam Respublikasının yeni ali lideri Müctəba Xameneinin rəhbərliyi altında Tehranın Vaşinqtonla danışıqlar aparması məsələsinə baxılması ehtimalı azdır.