İranda öldürülən mülki şəxslərin sayı açıqlandı

ABŞ və İsrail İrana qarşı kütləvi hücumlar həyata keçirir, mülki şəxsləri və mülki infrastrukturu hədəf alır.

"Duzxeber.az" xəbər verir ki, bu barədə İranın BMT-dəki daimi nümayəndəsi Əmir-Səid İrəvani bildirib.

Onun sözlərinə görə, İrandakı hücumlarda 1300-dən çox mülki şəxs həlak olub, 9700-ə qədər mülki obyekt məhv edilib.

O qeyd edib ki, Tehran və digər şəhərlərdə yanacaq anbarlarına edilən hücumlar çirkləndirici maddələrin yayılmasına səbəb olub.

İrəvaninin sözlərinə görə, ABŞ və İsrailin niyyətləri İran əhalisinə qarşı terror etmək və maksimum dağıntılara səbəb olmaqdır.