2026-cı ilin dünyanın ən yaxşı xəstəxanaları açıqlanıb-SİYAHI

Hər bir xəstəxana təhlil edilib və dörd məlumat mənbəyi əsasında qiymətləndirilib.

Xəstəxana seçimi nadir hallarda asan qərar olur. Çox vaxt bu qərar qeyri-müəyyənlik anlarında qəbul edilir – qeyri-adi simptomlar və ya mürəkkəb diaqnoz artıq pasiyentin üzərinə ağır yük kimi düşəndə.

Duzxeber.az xəbər verir ki, Qlobal platforma Statista-nın məlumatına görə, bu il dünyada xəstəxanaların sayının 216 minə yaxınlaşacağı proqnozlaşdırılır. Bu qədər geniş seçim fonunda pasiyentlər və onların ailələri mövcud imkanlar haqqında tam təsəvvür əldə etməkdə çətinlik çəkə bilər.

Bu boşluğu doldurmaq üçün Newsweek Statista ilə əməkdaşlıq edərək “Dünyanın ən yaxşı xəstəxanaları 2026” reytinqini təqdim edib.

Cari qiymətləndirmə 32 ölkədəki xəstəxanaları əhatə edir: Avstraliya, Avstriya, Belçika, Braziliya, Kanada, Çili, Kolumbiya, Danimarka, Finlandiya, Fransa, Almaniya, Hindistan, İsrail, İtaliya, Yaponiya, Malayziya, Meksika, Niderland, Norveç, Filippin, Cənubi Koreya, İspaniya, İsveç, İsveçrə, Tayvan, Tayland, Türkiyə, BƏƏ, Böyük Britaniya və ABŞ. Bu ölkələr əhalinin sayı, orta ömür uzunluğu, həyat səviyyəsi, xəstəxana sıxlığı və etibarlı məlumatların mövcudluğu kimi meyarlar əsasında seçilib.

Hər bir xəstəxana dörd əsas mənbə üzrə qiymətləndirilib: tibbi ekspertlərin (həkimlər, xəstəxana rəhbərləri və digər səhiyyə mütəxəssisləri) tövsiyələri; xəstəxanaların fəaliyyət keyfiyyəti göstəriciləri; pasiyent təcrübəsinə dair mövcud məlumatlar; həmçinin Statista-nın pasiyentlərin bildirdiyi nəticə göstəricilərinin (PROM) tətbiqi ilə bağlı sorğusu. PROM – pasiyentlərin öz funksional vəziyyətini və həyat keyfiyyətini qiymətləndirdiyi standartlaşdırılmış sorğu formalarıdır.

2026-cı il metodologiyası əvvəlki reytinqlərlə müqayisədə genişləndirilib – siyahıya ilk dəfə Filippin və Türkiyə daxil edilib. Bundan əlavə, bu il qiymətləndirmədə xəstəxanaların fəaliyyət keyfiyyətinə daha çox üstünlük verilib, akkreditasiya, təhlükəsizlik və pasiyent təcrübəsi ilə bağlı yeni məlumatlar nəzərə alınıb, həmçinin PROM göstəricilərinin rolu artırılıb.

Bu il 2500-dən çox xəstəxana qiymətləndirilib və onların arasından 250 ən yaxşı tibb müəssisəsi seçilib. İlk beşlik belədir: Mayo Clinic (Rochester, Minnesota), Toronto General Hospital (Toronto), Cleveland Clinic (Cleveland), Karolinska Universitet Xəstəxanası (Stokholm) və Massachusetts General Hospital (Boston).

Aşağıda “Dünyanın ən yaxşı xəstəxanaları – 2026” reytinqinə daxil olan TOP 50 tibb müəssisəsini təqdim edirik:

Dünyanın 50 ən yaxşı xəstəxanası:

1. Mayo Klinikası, Roçester, ABŞ
2. Toronto Ümumi Xəstəxanası, Kanada, Toronto
3. Klivlend Klinikası, ABŞ, Klivlend
4. Karolinska Universitet Xəstəxanası, İsveç, Stokholm
5. Massaçusets Ümumi Xəstəxanası, ABŞ, Boston
6. Con Hopkins Xəstəxanası, ABŞ, Baltimor
7. Şeba Tibb Mərkəzi, İsrail, Ramat-Qan
8. Şarite — Berlin Universitet Klinikası, Almaniya, Berlin
9. Sürix Universitet Xəstəxanası, İsveçrə, Sürix
10. Sinqapur Ümumi Xəstəxanası
11. Pitie-Salpêtrière Xəstəxanası, Fransa, Paris
12. Heydelberq Universitet Klinikası, Almaniya, Heydelberq
13. Tokio Universitet Xəstəxanası, Yaponiya, Bunkyo
14. Ronald Reyqan Tibb Mərkəzi, ABŞ, Los-Anceles
15. Kopenhagen Universitet Xəstəxanası, Danimarka
16. Albert Eynşteyn İsrail Xəstəxanası, Braziliya, San-Paulu
17. LMU Klinikası, Almaniya, Münhen
18. Briqam və Qadınlar Xəstəxanası, ABŞ, Boston
19. Cenevrə Universitet Klinikaları, İsveçrə, Cenevrə
20. Vyana Ümumi Xəstəxanası, Avstriya, Vyana
21. Lozanna Universitet Xəstəxanası, İsveçrə
22. Maunt-Sinay Xəstəxanası, ABŞ, Nyu-York
23. Bazel Universitet Xəstəxanası, İsveçrə
24. Stenford Xəstəxanası, ABŞ
25. Orhus Universitet Xəstəxanası, Danimarka
26. Samsung Tibb Mərkəzi, Cənubi Koreya, Seul
27. Maunt-Sinay Xəstəxanası, Kanada, Toronto
28. Asan Tibb Mərkəzi, Cənubi Koreya, Seul
29. Müqəddəs Tomas Xəstəxanası, Böyük Britaniya, London
30. Sunnybrook Tibb Mərkəzi, Kanada, Toronto
31. Erasmus Klinikası, Niderland, Rotterdam
32. Corc Pompidu Avropa Xəstəxanası, Fransa, Paris
33. Aqostino Cemelli Klinikası, İtaliya, Roma
34. Klod Yurye Xəstəxanası, Fransa, Lil
35. Münhen Universitet Klinikası, Almaniya
36. Amsterdam Universitet Tibb Mərkəzi, Niderland
37. Löven Universitet Xəstəxanası, Belçika
38. Müqəddəs Luka Xəstəxanası, Yaponiya
39. Severans Xəstəxanası, Cənubi Koreya
40. Helsinki Universitet Xəstəxanası, Finlandiya
41. Seul Milli Universitet Xəstəxanası, Cənubi Koreya
42. La-Pas Xəstəxanası, İspaniya, Madrid
43. Niqvarda Klinikası, İtaliya, Milan
44. Hamburq Universitet Klinikası, Almaniya
45. Kaliforniya Universiteti Tibb Mərkəzi, ABŞ
46. Cedars-Sinai Tibb Mərkəzi, ABŞ
47. Mayo Klinikası, ABŞ, Ceksonvill
48. Utrext Universitet Tibb Mərkəzi, Niderland
49. Alfred Xəstəxanası, Avstraliya, Melburn
50. 12 Oktyabr Universitet Xəstəxanası, İspaniya, Madrid//İmran Kərimli