Separatçılardan Xankəndi haqda şərləmə

Qarabağın “mədəni irsini” izləyən monumentwatch.org saytı xəbərdarlıq edib ki, Xankəndi guya “vandalizm siyasətinin mərkəzi”nə çevrilib.

Duzxeber.az məlumat verir ki, sayt Azərbaycana böhtan ataraq son illər Xankəndinin
“mənimsənildiyini, təhqir olunduğunu, islamlaşdırıldığını və birbaşa dağılmaya məruz qaldığını” iddia edib.

Bildirilib ki, “Erməni soyqırımı və Artsaxın qəhrəmancasına döyüşləri xatirəsinə ucaldılmış abidələr dağıdılıb. 2015-ci ildə Erməni soyqırımı qurbanlarının xatirəsinə ucaldılmış zəng qülləsi-abidəsinin yanındakı divardakı erməni yazısı silinib”.

Həmçinin keçmiş qondarma qurumun fəaliyyət göstərdiyi binaların söküldüyü, heykəllərin götürüldüyü qeyd olunub. Ancaq separatçıların mediası geniş mətndə uydurmalara yol verərkən, Xankəndinin Azərbaycan şəhəri olduğunu unudublar. Bu şəhərdə isə terrorizmin, separatizmin simvolları qala bilməz. Və qərarı da Azərbaycan dövləti verir. Separatçılar isə hələ də saxta tarixdən qopa bilmirlər.//tribuna.az