Milli Məclisin bu satınalması dayandırılıb

Azərbaycan Respublikası Milli Məclisinin inzibati binasında mövcud isitmə-soyutma sisteminin demontaj edilməsi, habelə yeni avadanlıqların alınması və quraşdırılması işləri ilə bağlı elan edilmiş irimiqyaslı satınalma proseduru ləğv olunub.

Duzxeber.az xəbər verir ki, Layihənin icrası üçün ehtimal olunan qiymət 594.632,37 AZN məbləğində müəyyən edilsə də, aprelin 8-də keçirilən tender prosesi yekunlaşdırılmayıb.

Satınalma komissiyasının rəsmi açıqlamasına əsasən, müsabiqədə iştirak etmək üçün təklif və təklif təminatı təqdim edən, eyni zamanda müvafiq icazə və lisenziyalara malik olan təchizatçıların sayı qanunvericiliklə tələb olunan minimum həddən (üçdən az) aşağı olub. "Dövlət satınalmaları haqqında" Qanunun 36.1.1-ci maddəsinə istinadən, yetərsayın təmin olunmaması səbəbindən müsabiqənin ləğv edilməsi barədə qərar qəbul edilib. Bu səbəbdən parlament binasının texniki infrastrukturunun yenilənməsi məqsədilə elan olunan satınalma dayandırılıb.//32gun.az