QEYRİ-ADİ FIRILDAQÇILIQ: soyadını dəyişdirərək bankları yarım milyon dollara aldadıb

Krasnodar şəhərində kredit tarixçəsi pis olan 45 yaşlı yerli sakin maraqlı üsulla bankları dolandırdığı üçün polis tərəfindən saxlanılıb

Duzxeber.az xəbər verir ki, Şəhər Daxili İşlər İdarəsinin məlumatına görə, əvvəllər narkotik ticarətinə görə məhkum olunmuş şəxs qəsdən soyadını dəyişərək yeni pasport alıb və fərqli banklardan ümumilikdə yarım milyon rubl məbləğində kredit götürüb. Borcların ödəniş vaxtı çatdıqda pulları qaytarmaqdan imtina edən fırıldaqçı ələ keçirdikləri vəsaiti əyləncəyə və ərzaq məhsullarına xərclədiyini etiraf edib. Faktla bağlı fırıldaqçılıq maddəsi ilə cinayət işi başlanılıb.

Buna bənzər digər bir hadisə isə Sverdlovsk vilayətində qeydə alınıb; burada zərgərlik mağazasını qarət edən şəxs cinayət yerində pasportunu unutduğu üçün dərhal ifşa olunub. Mağazaya alıcı cildində daxil olan və nişan üzüyü seçmək bəhanəsi ilə satıcının diqqətini yayındıran şübhəli, 1,85 milyon rubl dəyərində qızıl-zinət əşyalarını oğurlayaraq qaçsa da, unutduğu sənəd sayəsində qısa müddətdə əməliyyatçılar tərəfindən yaxalanıb.//32gun.az