ŞOK: Sabiq Kuba liderinin Trampa gizli məktubu ortaya çıxdı - Görün nələr yazıb

Ötən həftə Kubanın keçmiş lideri Raul Kastronun nəvəsinin Havananın varlı sahibkarlarından birinə ABŞ prezidenti Donald Trampa gizli məktub çatdırmaq xahişi etdiyi iddia olunur.

Duzxeber.az xəbər verir ki, bu barədə The Wall Street Journal nəşri amerikalı rəsmilərə istinadən məlumat yayıb.

Bildirilir ki, məktub diplomatik nota formasında hazırlanıb və üzərində rəsmi Kuba möhürü olub.

Məktubda Trampa iqtisadi və investisiya sahəsində əməkdaşlıq təklifləri, həmçinin sanksiyaların yumşaldılması məsələsi yer alıb. Bununla yanaşı, sənəddə Kuba hakimiyyətinin ABŞ tərəfindən mümkün müdaxiləyə hazırlaşdığı barədə xəbərdarlıq olduğu qeyd edilir.
Məktubu çatdırmalı olan şəxs 37 yaşlı kubalı iş adamı Roberto Karlos Çamiso Qonsalesdir. O, lüks avtomobil icarəsi və elit turizm sahəsində fəaliyyət göstərir.

Bundan əvvəl USA Today nəşri mənbələrə istinadən yazıb ki, ABŞ Müdafiə Nazirliyi prezident Donald Trampın əmri olacağı təqdirdə Kubada hərbi əməliyyatlara hazırlıq görür. Tramp isə bir neçə dəfə bəyan edib ki, İrandan sonra diqqətini Kubaya yönəldəcək və ölkədə hakimiyyəti süquta uğradacaq.//KONKRET.az