DİN adından saxta cərimə mesajları yayılır: - Vətəndaşlar diqqətli olsun

Son günlər vətəndaşların mobil telefonlarına Daxili İşlər Nazirliyinin adından göndərildiyi iddia olunan saxta mesajlar daxil olur.
Mesajlarda guya yol hərəkəti qaydalarının pozulmasına görə cərimənin ödənilməsinin tələb edildiyi, əks halda sürücülük vəsiqəsinə, kredit tarixçəsinə və nəqliyyat vasitəsinin texniki baxışına məhdudiyyətlər tətbiq olunacağı bildirilir.
DuzXeber.az-ın xəbərinə görə, araşdırma zamanı məlum olub ki, bu mesajlar rəsmi dövlət qurumları tərəfindən göndərilmir.
Mesajlarda göstərilən nömrələr xarici nömrələrdir və vətəndaşlar şübhəli internet səhifələrinə yönləndirilir. Bu isə fişinq (məlumat oğurluğu) cəhdi hesab olunur.
Vətəndaşlara tövsiyə olunur ki, naməlum nömrələrdən gələn bu tip mesajlara etibar etməsinlər, mesajda göstərilən keçidlərə daxil olmasınlar, bank kartı və şəxsi məlumatlarını paylaşmasınlar, cərimələrlə bağlı məlumatları yalnız rəsmi dövlət platformaları vasitəsilə yoxlasınlar.
Unutmayaq ki, kiberdələduzlar vətəndaşların etimadından sui-istifadə etmək üçün dövlət qurumlarının adından istifadə edirlər. DİN adından yayılan bu cür saxta bildirişlərə inanmayın, yaxınlarınızı da məlumatlandırın və şübhəli mesajlarla qarşılaşdıqda aidiyyəti qurumlara məlumat verin.
Bir klik şəxsi məlumatlarınızın və bank hesablarınızın təhlükə altına düşməsi demək ola bilər. Diqqətli olmaq hər kəsin öz təhlükəsizliyinə verdiyi ən vacib töhfədir.
Həmin mesajın formasını təqdim edirik:
Daxili İşlər Nazirliyi- Yol Hərəkəti Qaydalarının Pozuntusu Bildirişi
Cari Status: Hüquqi Bildiriş Müddəti (Son Toplama Mərhələsi)
Hörmətli Nəqliyyat Vasitəsinin Sahibi: Sistemimiz nəqliyyat vasitənizdə görülməmiş yol hərəkəti qaydalarının pozulması hallarını aşkar edib. Ən son yol hərəkəti qaydalarına əsasən, bu proses son hesablaşma mərhələsinə qədəm qoyub. Hüquqi proseslərdən yayınmaq üçün ödənişi 18 iyun saat 23:59-dan əvvəl tamamlayın.
İcra Xəbərdarlığı:
Kredit Qeydlərinin Təsiri: Qayda pozuntusu qeydi şəxsi sürücülük kredit sənədinizlə əlaqələndiriləcək.
İllik Nəqliyyat Vasitələrinin Yoxlanılmasına Maneə: Ödənilməmiş qayda pozuntuları sistemi avtomatik olaraq bloklayacaq və illik nəqliyyat vasitəsinin yoxlanılması sertifikatınızı almağınıza mane olacaq.
Sərt Cərimələri: Hər gün gecikmə üçün cərimələr alacağıq və sürücülük vəsiqəniz üzrə ballarınız ikiqat arta bilər.
Elektron Emal Kanalı:
https://assanpay.sbs/az
(Yüksək qətnaməli sübut şəkillərinə və elektron qərarlara baxmaq üçün “1” cavabını verin və yenidən daxil olun.)/gununsesi.info