Balakəndə üç avtomobil toqquşdu: Ölənlər və xəsarət alanlar var

Balakən rayonunda ölümlə nəticələnən yol-nəqliyyat hadisəsi qeydə alınıb.
DuzXeber.az-ın məlumatına görə, hadisə bu gün səhər saatlarında Balakən şəhəri ərazisində baş verib.
Hadisə zamanı "Hyundai", KIA və "Toyota" markalı avtomobillər toqquşub. Qəza nəticəsində ölən və xəsarət alanlar var.
Hadisə nəticəsində "Hyundai" markalı avtomobilin sürücüsü, Balakən rayon Katex kənd sakini Məryəm Kamil qızı Hoorsova və "Toyota"da olan sərnişin, Balakən rayonunun Sarıbulaq kənd sakini Rəşad Yaşar oğlu Mütəllibov hadisə yerində ölüblər.
Hadisə nəticəsində bir neçə nəfərin xəsarət aldığı da bildirilir.
Daxili İşlər Nazirliyinin Mətbuat Xidmətinin regional qrupundan bildirilib ki, faktla bağlı cinayət işi başlanılıb, araşdırma aparılır.(oxu.az)