Şəmkirdə dəhşət: 14 yaşlı faciəli şəkildə öldü

Şəmkir rayonunda 14 yaşlı uşaq faciəli şəkildə ölüb.
DuzXeber.az-ın əldə etdiyi məlumata görə, hadisə bu gün günorta saatlarında rayonun Dağ Daşbulaq kəndində baş verib.
Kənd sakini 2012-ci il təvəllüdlü E.Cəfərov güllə yarasından ölüb. İlkin ehtimala görə, azyaşlı evdə olan qoşalülə ov tüfəngi ilə ehtiyatsız davranıb və nəticədə güllə yarasından dünyasını dəyişib.
Hazırda hüquq-mühafizə orqanlarının əməkdaşları hadisə yerindədirlər. Hadisənin baş vermə səbəbləri araşdırılır.(oxu.az)