Karyerası dalınca gedən xanımları seçmir

Teleqram sosial şəbəkəsinin yaradıcısı və sahibi Pavel Durov kişilərin qadın seçərkən onların karyerasına xüsusi önəm vermədiyi fikrini dəstəkləyib.
Duzxeber.az xəbər verir ki, sosial media istifadəçilərindən biri "X" platformasında "Karyeranız kişiləri maraqlandırmır, xanımlar. Bağışlayın, amma bu, belədir. Əgər qadın onlara yaxşı davranır və həyatlarını gözəlləşdirirsə, kişilər korporativ direktordan daha çox ofisiantla görüşməyi seçirlər" deyə, qeyd edib. 
Milyarder onun bu fikirlərini təsdiqləyərək “100%” şərhini yazıb.
Qeyd edək ki, ötən il Durov 12 ölkədə sperma donorluğu nəticəsində dünyaya gələn 100-dən çox bioloji övladının, həmçinin üç fərqli qadından altı rəsmi uşağının olduğunu açıqlamışdı. İş adamı bu yaxınlarda vəsiyyətini açıqlayaraq bildirib ki, 106 uşağın hamısı miras hüququnda bərabər olacaq. 2024-cü ilə olan məlumata görə, Durovun sərvəti 15,5 milyard dollar qiymətləndirilir.