"Zeytun Pharmaceuticals” bir ildə 30 tender udub, 76 milyon sifariş alıb

“Zeytun Pharmaceuticals” MMC 2025-ci il ərzində 30 müxtəlif tenderin qalibi olub.

Duzxeber.az  "DİA-AZ"a istinadən xəbər verir ki, şirkət ötən il ərzində müxtəlif qurumlarla ümumi dəyəri 76 milyon 184 min 234 manat olan satınalma müqavilələri bağlayıb.

Şirkətin qalibi olduğu tenderlər arasında ən böyük məbləği olanı Səhiyyə Nazirliyinin "İnnovasiya və Təchizat Mərkəzi" Publik Hüquqi Şəxsi ilə bağladığı müqavilə olub. Belə ki, MMC Mərkəzə “İmtiyazlı əhali qrupuna aid olan xəstələrin təminatı məqsədilə dərman vasitələri satıb ki, bunun da dəyəri 13 milyon 61 min manat təşkil edib.

Daxili İişlər Nazirliynin Daxili Qoşunlar Baş İdarəsi isə “Zeytun Pharmaceuticals”dən 17 min 74 manat olan dərman vasitələri satıb.

Bəhs olunan dövrdə “Zeytun Pharmaceuticals” MMC "İnnovasiya və Təchizat Mərkəzi" Publik Hüquqi Şəxsinin 23 tenderinin qalibi olub ki, bu müqavilələrin də ümumi dəyəri 65 milyon 47 min 57 manat təşkil edib.

Qeyd edək ki, MMC 2014-cü ildə dövlət qeydiyyatına alınıb. Nizamnamə kapitalı 4 000 manat olan şirkətin qanuni təmsilçisi Şirəliyev Bəhruz Əvəz oğludur. Şirkətin hüquqi ünvanı Bakı şəhəri Nizami rayonu, Oqtay Vəliyev küçəsi, ev 21C-də yerləşir.