"Hellim Restoranları" şəbəkəsinin dövlətə böyük məbləğdə borcu yaranıb

Azərbaycanın tanınmış restoranlar şəbəkələrindən biri olan "Hellim Restoranları" Məhdud Məsuliyyətli Cəmiyyətinin (MMC) vergi borcu olduğu məlum olub.

Duzxeber.az xəbər verir ki, 32gun.az-ın əldə etdiyi məlumata görə, müəssisənin hazırda dövlət qarşısında 44 126,86 manat məbləğində vergi borcu yaranıb. Bu rəqəm şirkətin cari maliyyə öhdəliklərini icra etməkdə çətinlik çəkdiyini göstərir.

Qeyd edək ki, "Hellim Restoranları" MMC-nin qanuni təmsilçisi Türkiyəli Kemal Bağzıbağlı adlı şəxsdir. Şirkətin hüquqi ünvanı Bakı şəhəri, Xətai rayonu, "Ağ Şəhər" Mərkəzi Bulvar, ev 8, mənzil 11 olaraq qeydiyyata alınıb.

Xatırladaq ki, iqtisadiyyat üzrə fəlsəfə doktoru (PhD) olan Kemal Bağzıbağlı Birmingham Universitetinin məzunudur. O, keçmişdə Şimali Kipr Türk Respublikasının Bayındırlıq və Nəqliyyat Nazirliyində müstəşar vəzifəsində çalışıb. Bağzıbağlı hazırda Azərbaycanda fəaliyyət göstərən Hellim Restaurants, Hellim Bakery və KKT Market brendlərinin, həmçinin Yol Yoldaşı mobil tətbiqinin təsisçisidir. Eyni zamanda o, müxtəlif beynəlxalq ultramarafon yarışlarının iştirakçısıdır