UEFA Çempionlar Liqası: Son yarımfinalçılar bilinəcək

UEFA Çempionlar Liqasında bu axşam yarımfinalın son iki iştirakçısı müəyyənləşəcək.

Duzxeber.az xəbər verir ki, Avropanın ən nüfuzlu klub turnirində 1/4 final mərhələsinin cavab oyunları futbolsevərlərə iki böyük qarşılaşma vəd edir.


İngiltərədə "Arsenal" öz meydanında Portuqaliyanın "Sportinq" komandasını qəbul edəcək. İlk oyunda minimal üstünlük qazanan londonlular (1:0) doğma azarkeşlər önündə bu üstünlüyü qorumağa çalışacaq.


Gecənin digər diqqətçəkən matçında isə Almaniyada "Bavariya" ilə İspaniyanın nəhəngi "Real Madrid" üz-üzə gələcək. Madrid təmsilçisi ilk görüşdə 2:1 hesablı qələbə qazanaraq cavab oyunu öncəsi üstün vəziyyətdədir.


Artıq yarımfinala yüksələn komandalar da bəllidir "Atletiko Madrid" və Fransanın PSJ klubu növbəti mərhələdə iştirak hüququnu təmin edib.


UEFA Çempionlar Liqası



1/4 final mərhələsi, cavab oyunları


15 aprel


23:00. "Arsenal" (İngiltərə) - "Sportinq" (Portuqaliya)


İlk oyun - 1:0


23:00. "Bavariya" (Almaniya) - "Real" (İspaniya)


İlk oyun - 1:2