Cəlilabad Dövlət Peşə Təhsili Mərkəzi yeni nəqliyyat vasitələri satın alır

"Cəlilabad Dövlət Peşə Təhsili Mərkəzi" Publik Hüquqi Şəxsi tədris və təsərrüfat fəaliyyətində istifadə olunmaq üçün bir ədəd yük və bir ədəd minik avtomobilinin satın alınması məqsədilə tender elan edib.
Duzxeber.az yazır ki, satınalmanın ehtimal olunan qiyməti olunan  99.533,00 AZN-dir. 
Texniki göstəricilərə əsasən, satın alınacaq 2025-ci il istehsalı olan yük avtomobili dizel mühərrikli, 5 pilləli mexaniki ötürücülü və ən azı 4.5 ton yük götürmə qabiliyyətinə malik olmalıdır. Minik avtomobili üçün isə 2026-cı il buraxılışlı, ağ rəngli, 4x4 ötürücülü və yüksək keçid qabiliyyətli universal ban növünə malik nəqliyyat vasitəsi tələb olunur. Şərtlərə görə, hər iki nəqliyyat vasitəsinin qiymətinə dövlət qeydiyyat nişanı və şəhadətnamə xərcləri daxildir, həmçinin avtomobillərin Azərbaycanda rəsmi nümayəndəsi və servis mərkəzinin olması mütləqdir. Təchizatçı tərəfindən yük avtomobilinə 5 il, minik avtomobilinə isə 2 il müddətinə rəsmi istehsalçı zəmanəti təqdim edilməlidir.
Qeyd edək ki, Cəlilabad Dövlət Peşə Təhsil Mərkəzinin uzunmüddətli rəhbəri olmuş Etibar Sadığov 2024-cü ilin dekabrında təqaüdə göndərilib və hazırda idarəetmə heyətinə yeni təyinatlar, o cümlədən Piri Axundovun direktor müavini vəzifəsinə gətirilməsi daxildir. //32gun.az