Rusiyadan HƏDDİ aşan HÜCUM, Zelenski dünyanı AYAĞA qaldırdı, QİSAS əmri verdi

Rusiya Müdafiə Nazirliyi Kiyev-Peçerska lavrasına endirilən sarsıdıcı zərbədə rəsmi Moskvanın hər hansı bir aidiyyətinin olduğunu qəti şəkildə təkzib edib.
DuzXeber.az xəbər verir ki, Rusiya hərbi idarəsinin yaydığı rəsmi bəyanatda iddia olunur ki, tarixi kompleksin ərazisinə düşən mərmi Ukrayna ordusunun istifadə etdiyi ABŞ istehsalı olan "Patriot" zenit-raket kompleksinə məxsusdur.
Rusiya tərəfi vurğulayır ki, sözügedən kompleksin qeyri-dəqiq və nasaz işləməsinin əsas səbəbi Qərb ölkələrinin Kiyevə istismar müddəti çoxdan başa çatmış köhnə raketlər ötürməsi ola bilər.
Ukrayna tərəfi isə hadisə ilə bağlı tamamilə fərqli mövqedən çıxış edir. Belə ki, "Kiyev-Peçerska lavrası" milli qoruğunun rəhbərliyi daha əvvəl yaydığı məlumatda kafedralın Müqəddəs Stefan şəbistanına birbaşa Rusiyaya məxsus "Şahid" tipli zərbə pilotsuz uçuş aparatının düşdüyünü bəyan etmişdi. Ukrayna Prezidenti Volodimir Zelenski məbədin hədəf alınmasını sərt şəkildə pisləyərək, bu hadisəni "Rusiya tərəfindən xristian mədəniyyətinə qarşı törədilmiş ən böyük cinayətlərdən biri" adlandırıb.
Yaranmış kəskin diplomatik böhran fonunda Ukraynanın xarici işlər naziri Andrey Sibiqa da dərhal hərəkətə keçdiklərini açıqlayıb. Xarici siyasət idarəsinin rəhbəri tarixi abidənin dağıdılması ilə bağlı rəsmi şəkildə YUNESKO-ya müraciət edəcəklərini və digər mühüm diplomatik mexanizmləri işə salacaqlarını bildirib. Sibiqa beynəlxalq təsisatların və dünya paytaxtlarının bu hadisəyə qarşı dərhal qətiyyətli və sərt reaksiya verməsini tələb edəcəklərini xüsusi olaraq vurğulayıb.