Xətai rayonunda qanunsuz tikinti iddiaları yenidən gündəmdə – səki restoran ərazisinə qatılır?

Paytaxtın qanunsuz tikintilərlə bağlı ən çox müzakirə olunan rayonlarından biri kimi göstərilən Xətai rayonu yenidən diqqət mərkəzinə düşüb. İddialara görə, rayon ərazisində son illər müxtəlif obyektlərin artırılması, səkilərin zəbt olunması və qanunsuz əlavələrin edilməsi halları intensiv xarakter alıb.Sakinlərin bildirdiyinə görə, İlqar Zülfüqarov küçəsində fəaliyyət göstərən restoranlardan birinin qarşısında aparılan tikinti işləri nəticəsində səki hissəsi obyektin istifadəsinə verilir.
DuzXeber.az bildirir ki, Mediatvaz.com-un məlumatına görə hazırda həmin ərazidə restoran sahəsinin genişləndirilməsi məqsədilə artırma işlərinin görüldüyü iddia olunur.

Məsələ ilə bağlı səslənən ittihamlarda Xətai Rayon İcra Hakimiyyətinin başçısı Rafiq Quliyevin adı çəkilir. İddialarda həmçinin bildirilir ki, bu proseslərdə Xətai rayon Mənzil Kommunal Təsərrüfat Birliyinin rəis müavini İntiqam Cümşüdovun da xüsusi rolu var və o, “vasitəçi” kimi təqdim olunur.Qeyd edək ki, səki və ümumi istifadə sahələrinin zəbt olunması piyadaların hərəkətinə mane olmaqla yanaşı, şəhərsalma və təhlükəsizlik baxımından da ciddi narahatlıq yaradır.
Məsələ ilə bağlı aidiyyəti qurumların münasibətini dərc etməyə hazırıq.