İşsizlərdən 10 manat pul çıxılır? — DETALLAR

İşsizliyə görə vətəndaşın kredit kartından sığorta üçün 10 AZN, kibertəhlükəsizlik üçün isə pul 1 manat pul çıxılıb. Hadisə vətəndaşlar arasında anlaşılmazlığa səbəb olub.

Tribuna.az-a açıqlama verən İqtisadiyyat üzrə fəlsəfə doktoru, iqtisadçı-ekspert Günay Hüseynova məsələyə aydınlıq gətirib.



G. Hüseynovanın sözlərinə görə, bu, kreditə görədir. Kredit götürəndə, onu sığortalayırsan. Tutaq ki, vətəndaş işləyir və maaş alır. Başqa gəlir qaynağı yoxdur. Sabah işdən çıxdıqda, krediti Kim ödəməlidir? Dövlət məhkəməyə verəcək. Mənzil, maşın və ya başqa öhdəlik varsa, onun üzərindən çıxılacaq, satışa qoyulacaq.

İqtisadçı işsizlik sığortasının müsbət tərəflərindən danışdı:

“Bu ona görədir ki, sabah, vətəndaş işsiz qalanda, həmin o sığorta krediti ödəyəcək. Əslində, şəxsin özü bunu qəbul edib. Kredit götürəndə vətəndaşın zamini yoxdursa, problem olanda kredit borcu şəxsin övladlarına qalmamış olur. Kredit götürən şəxs dünyasını dəyişə də bilər. Belə olan halda, borc övladlara qalır. Ona görə də kreditə görə işsizlik sığortasının olması yaxşı bir şeydir. Sabah bir problem olanda, krediti olanın nə evi nə də maşını satılmayacaq. Həmçinin krediti olan şəxsin övladlarına miras əvəzinə borc qalmayacaq”.