Tramp İran bataqlığında: ABŞ Yaxın Şərqdə müttəfiqlərinin etimadını itirir

ABŞ prezidenti Donald Trampın administrasiyası İranla ağır hərbi münaqişəyə cəlb olunub və bu prosesdə Yaxın Şərqdəki müttəfiqlərinin dəstəyini və etimadını itirir.
DuzXeber.az xəbər verir ki, bu barədə "Pulitzer" mükafatlı amerikalı jurnalist Seymur Herş “Substack” platformasındakı bloqunda yazıb.
Herşin sözlərinə görə, İranın raket və pilotsuz uçuş aparatları ilə dəqiq zərbələr endirmək imkanları ABŞ-ın regiondakı tərəfdaşlarına ciddi zərər vurub. Bu isə Vaşinqtonun təhlükəsizliyin təminatçısı kimi etibarlılığına olan inamı sarsıdır.
Jurnalist bildirib ki, Tramp gözlədiyindən daha mürəkkəb münaqişənin içində ilişib qalıb. İran rəhbərliyi isə müqavimətini davam etdirir, baxmayaraq ki, ölkəyə dondurulmuş aktivlərinə çıxış lazımdır.
Herş hesab edir ki, Hörmüz boğazı ən azı qısa müddətdə Vaşinqton üçün əlçatmaz ola bilər. Onun fikrincə, bu vəziyyət ABŞ-da benzinin qiymətinin aşağı salınması imkanlarını məhdudlaşdırır və respublikaçıların Konqresə aralıq seçkilərində qələbə şanslarını daha da azaldır.