Rusiyadan müharibə ilə bağlı ŞOK: Cəbhədən qayıdacaq hərbçilərin…

Rusiya Prezidenti Vladimir Putinin cəbhədən qayıdacaq hərbçilərin gələcəkdə işlə təmin olunması məsələsi ilə bağlı səsləndirdiyi fikirlər ölkə daxilində ciddi narahatlıqların və yeni sosial çağırışların yaranmasından xəbər verir. Rusiya lideri açıq şəkildə etiraf edib ki, hakimiyyət bu prosesə əvvəlcədən hazırlaşmalı və geri qayıdacaq minlərlə insanın məşğulluq problemini həll etməlidir.

DuzXeber.az xəbər verir ki, məsələ ilə bağlı nocomment.az-a danışan iqtisadçı ekspert Əli Cabbarov qeyd edib ki, bu kütlənin sosial adaptasiyası və iqtisadilığa inteqrasiyası Rusiya hökuməti üçün yaxın gələcəkdə ən böyük başağrısına çevrilə bilər:

"Putinin narahatlığı təsadüfi deyil. Söhbət hərbi əməliyyat zonasından əllərində silah, psixoloji gərginlik və yüksək ambisiyalarla qayıdacaq yüz minlərlə insandan gedir. Onların əksəriyyəti müqavilə əsasında orduya yazılanlar və aralarında müəyyən kriminal keçmişi olan şəxslərdir. İqtisadi böhran və sanksiyalar fonunda iş yerlərinin məhdud olduğu Rusiyada bu qədər insanın cəmiyyətə adaptasiyası dövlət büdcəsinə və daxili təhlükəsizliyə ağır yük olacaq."

Onun sözlərinə görə, hakimiyyət vaxtında qabaqlayıcı tədbirlər görməsə, bu vəziyyət ölkə daxilində ciddi sosial partlayışlara və cinayətkar qruplaşmaların güclənməsinə yol aça bilər:

"Hərbçilərin cəbhədən qayıdışı təkcə məşğulluq məsələsi deyil, həm də dərin sosial-psixoloji problemdir. Müharibə görmüş, cəmiyyət həyatından uzaqlaşmış bu kütlənin yenidən dinc həyata uyğunlaşması böyük maliyyə və dövlət resursları tələb edir. Əgər Rusiya iqtisadiyyatı onları işlə və lazımi sosial təminatla əhatə edə bilməsə, Kremlin başı məhz həmin daxili təhdidlərlə ciddi şəkildə dərdə girəcək."