Trampın Ontario inadı: Bu dəfə gölün adının dəyişdirilməsini "Apple"dan istədi

ABŞ-nin dövlət başçısı Donald Tramp "Apple" şirkətinə müraciət edərək, xəritə xidmətində Ontario gölünün adının Amerika gölü olaraq dəyişdirilməsini istəyib.
DuzXeber.az xəbər verir ki, bu barədə ABŞ-nin daxili işlər naziri Duqlas Berqam ictimaiyyətə açıqlayıb.
"Prezident "Apple" rəhbərliyi ilə birbaşa əlaqə qurub. Buna görə də əminəm ki, yaxın zamanda onların gölün adını Amerika gölü olaraq dəyişdirəcəyinin şahidi olacağıq", - deyə nazir "Fox Business" telekanalına verdiyi müsahibədə qeyd edib.
Qeyd edək ki, bundan əvvəl "Google Maps" xəritə xidməti Birləşmiş Ştatlardan olan istifadəçilər üçün Ontario gölünün adını Amerika gölü olaraq yeniləmişdi.
Xatırladaq ki, avqustun 27-də Tramp Ontario gölünün yenidən adlandırılması haqqında fərman imzalayıb. Həmin qərar dərhal qüvvəyə minib. Buna cavab olaraq Kanadanın Baş naziri Mark Karni bildirib ki, sözügedən göl öz adını 400 ildən çox əvvəl, ABŞ-ın müstəqillik əldə etməsindən çox öncə alıb və bu ad olduğu kimi qorunub saxlanılacaq.