Qonşu Gürcüstanın paytaxtı Tiflisdə yerləşən uşaq bağçalarında baş verən kütləvi zəhərlənmə və intoksikasiya dalğasının səbəbi nəhayət ki, rəsmi olaraq aydınlaşıb. ölkənin Xəstəliklərə Nəzarət üzrə Milli Mərkəzinin apardığı dəqiq laboratoriya müayinələrinin nəticələri hər kəsi ayılmalı edəcək reallığı ortaya qoyub – məlum olub ki, yüzdən çox azyaşlını xəstəxanalıq edən bəla əslində bütün dünyada virus mənşəli qastroenteritin əsas qatilindən biri olan təhlükəli norovirusdur. Statistikaya görə, qonşu ölkədə bu qəbildən olan mədə-bağırsaq infeksiyalarının təqribən yarıya qədəri məhz bu patogenin payına düşür. Sentyabrın 17-də Tiflisin 20 ayrı uşaq bağçasını birtəhər silkələyən bu kütləvi yoluxma zamanı 100-dən çox uşaq ağır əlamətlərlə xəstəxanalara daşınıb, vəziyyətin ciddiliyi nəzərə alınaraq 7 bağça dərhal karantin rejimi ilə bağlanıb və Maliyyə Nazirliyinin İstintaq Xidməti tərəfindən cinayət işi başlanılıb. Qeyri-adi dərəcədə yüksək yoluxuculuq qabiliyyətinə malik olan bu virus insanlarda şiddətli qusma, dözülməz qarın ağrısı, kəskin ishal və yüksək hərarətlə müşayiət olunur. Ən qorxulu məqam isə odur ki, qısa müddətdə orqanizmin tamamilə susuzlaşmasına səbəb olan bu bəla uşaqlar üçün ölümcül təhlükə yarada bilər.
Bəs sərhədimizin bir addımlığında tüğyan edən bu qorxunc virus ən çox hansı şəraitdə inkişaf edir və Azərbaycan məktəbəqədər təhsil müəssisələri bu bəladan qorunmaq üçün hansı təcili nəticələr çıxarmalıdır?
Məsələ ilə bağlı DuzXeber.az-a açıqlama verən tanınmış həkim, professor Adil Qeybulla bildirib ki, norovirus son dərəcə yoluxucu və müqavimətli patogen olduğundan xüsusilə qapalı uşaq kollektivlərində, bağçalarda və məktəblərdə ildırım sürəti ilə yayıla bilir:
"Norovirus hava-damcı, məişət-təmas və qida vasitəsilə çox sürətlə keçən insidentlər yaradır. Bu virus ən çox sanitar-gigiyenik qaydaların pozulduğu, qida məhsullarının düzgün saxlanılmadığı, əllərin təmizliyinə riayət olunmadığı və qapalı məkanların havalandırılmadığı mühitlərdə inkişaf etmək üçün ideal şərait tapır. Bağçalarda uşaqların əşyaları, oyuncaqları ortaq istifadə etməsi virusun bir uşaqdan digərinə ötürülməsini anlıq edir. Tiflisdə baş verən bu hadisə Azərbaycan üçün də çox ciddi xəbərdarlıq zəngi olmalıdır. Bizdə də uşaq bağçalarında qida təhlükəsizliyinə, mətbəxlərin gigiyenasına, su təchizatına və uşaqların sağlamlıq durumuna nəzarət maksimum səviyyəyə qaldırılmalıdır ki, analoji faciə ilə üzləşməyək".
Ekspertin sözlərinə görə, valideynlər və bağça rəhbərləri uşaqlarda hər hansı qusma, ishal və ya qarın ağrısı əlamətləri müşahidə olunan kimi dərhal tədbir görməli, uşağı kollektivdən təcrid etməlidirlər:
"Norovirusun əsas fəsadı orqanizmin kəskin susuzlaşmasıdır ki, bu da azyaşlılar üçün həyati təhlükə yaradır. Ona görə də profilaktik tədbirlər – əllərin mütəmadi dezinfeksiyası, səthlərin xüsusi preparatlarla təmizlənməsi və ictimai iaşə məhsullarının ciddi laborator nəzarətdən keçməsi qaçılmaz zərurətdir. Qonşuluqda baş verənlər gözlərimizi açmalı, profilaktikanı gücləndirməliyik".//Tunar
