Bu dövlət qurumunda 150 manat maaş alanlar var – FOTO

Azərbaycan Respublikası Müəllif Hüquqları Agentliyinin tabeliyində fəaliyyət göstərən Əqli Mülkiyyət Hüquqlarının Təminatı Mərkəzinin ştat cədvəli və aylıq vəzifə maaşları üz çıxıb.

Duzxeber.az xəbər verir ki, rəsmi sənədlərdə əksini tapan məlumata görə, mərkəzdə bəzi vəzifələr üzrə aylıq əməkhaqqı cəmi 150 manat təşkil edir.

Söhbət inspektor, makinaçı və sürücü vəzifələrindən gedir.

Ştat cədvəlinə əsasən, qurumda ümumilikdə 12 nəfər çalışır. Maaş bölgüsünə baxdıqda isə rəhbər vəzifələrlə sıravi əməkdaşlar arasında ciddi fərq olduğu görünür.

Belə ki:

Direktor vəzifəsi üzrə aylıq maaş 510 manatdır;

Şöbə rəislərinin maaşı 395 manat;

Baş mütəxəssislər 370 manat;

Qeyd olunan texniki vəzifələrdə çalışan əməkdaşlar isə 150 manat maaş alır.

Qeyd edək ki, Əqli Mülkiyyət Hüquqlarının Təminatı Mərkəzinin direktoru vəzifəsini hazırda Nəcəf Quliyev icra edir.

Mövzu ilə bağlı qarşı tərəfin mövqeyini dərc etməyə hazırıq.//tribuna.az