Türkiyə danışıqlar üçün yer təklif etdi

Türkiyənin xarici işlər naziri Hakan Fidanla rusiyalı həmkarı Sergey Lavrov arasında telefon danışığı olub. 

Duzxeber.az  xəbər verir ki, bu barədə Rusiyanın xarici siyasət idarəsinin rəsmi saytında məlumat verilib.
Diplomatlar ABŞ və İsrailin İrana qarşı hərbi əməliyyatı fonunda yaranmış böhran vəziyyətindən çıxış yollarını müzakirə ediblər. Nazirlər Moskva və Ankaranın Yaxın Şərqdəki münaqişənin sülh yolu ilə həlli üzrə səylərə kömək etməyə hazır olduqlarını vurğulayıblar.

“Fidan həmçinin Ukrayna ətrafında cərəyan edən hadisələrin son gedişatına və ABŞ-nin iştirakı ilə üçtərəfli danışıqlar prosesinin bərpası perspektivlərinə toxunub”, - məlumatda deyilir.  

Türkiyəli nazir danışıqların keçirilməsi üçün İstanbulda məkan təqdim etməyə hazır olduqlarını təsdiqləyib. Lavrov isə öz növbəsində həmkarı ilə mövcud vəziyyətlə bağlı qiymətləndirmələrini bölüşüb.//qafqazinfo