Azərbaycanın tibb sektorunda fəaliyyət göstərən tanınmış şirkətlərdən biri barəsində şok məlumat yayılıb.
DuzXeber.az bildirir ki, 32gun.az-ın əldə etdiyi son dəqiqə məlumatına görə, "SYNERGY MEDICAL" Məhdud Məsuliyyətli Cəmiyyətinin dövlət büdcəsinə külli miqdarda vergi borcu yaranıb.
Sözügedən şirkətin hazırda dövlətə olan dəqiq borc məbləği 3 milyon 511 min 215 manat 2 qəpik (3511215.02 AZN) təşkil edir. Rəsmi qeydiyyat ünvanı Gəncə şəhəri, Heydər Əliyev prospekti, ev b. 60F olan bu müəssisənin qanuni təmsilçisi isə Paşayeva Gülnar Polad qızıdır. Nizamnamə kapitalı 10 000 manatdır.
Sözügedən tibb şirkətinin rəhbərliyində və qanuni təmsilçiliyində ötən illər ərzində mütəmadi dəyişikliklər baş verib. Şirkətin qanuni təmsilçisi kimi 2014-cü il oktyabrın 20-də Qəbilov Anar Əliyəddin oğlu, 2015-ci il oktyabrın 24-də isə Dinçer Süleyman Lütfi təyin edilib. Daha sonra rəhbərlik 2016-cı il iyunun 10-da Həsənov İlyas Şasuvar oğluna, 2018-ci il avqustun 24-də və yenidən 2020-ci il sentyabrın 7-də İsmayılov İlkin Yusub oğluna həvalə olunub. Eyni zamanda, 2020-ci il sentyabrın 7-də qanuni təmsilçi kimi Musayev Famil İbrahimxəlil oğlu da qeydiyyata alınıb. Hazırda milyonluq vergi borcu ilə gündəmə gələn şirkəti rəhbərliyini isə 2021-ci il dekabrın 1-dən etibarən Paşayeva Gülnar Polad qızı həyata keçirir.
Qeyd edək ki,  "SYNERGY MEDICAL" MMC- Gəncə Beynəlxalq Xəstəxanasının əmtəə nişanının sahibidir.

Paylaş