Yapon alimləri insanlarda yeni dişlərin çıxmasını hədəfləyən dərmanın klinik sınaqlarını davam etdirirlər.
DuzXeber.az xarici mediaya istinadən xəbər verir ki, dərman artıq ilk mərhələ sınaqlarını uğurla başa vurub və onu hazırlayan Toregem BioPharma şirkəti 2030-cu ilədək istifadəyə verməyi planlaşdırır.
Yeni müalicə üsulu əsasən anadangəlmə diş çatışmazlığı olan xəstələr üçün nəzərdə tutulub. Alimlər bildirirlər ki, gələcəkdə bu dərman travma və ya diş çürüməsi nəticəsində dişlərini itirən insanların müalicəsində də istifadə oluna bilər.
İlkin sınaqlarda ciddi yan təsir qeydə alınmayıb. Bununla belə, mütəxəssislər vurğulayırlar ki, dərmanın insanlarda yeni dişlərin tam və düzgün inkişafını təmin etdiyi hələ elmi cəhətdən təsdiqlənməyib. Bunun üçün növbəti klinik sınaqların nəticələri gözlənilir.

Paylaş