"Avrosof"un 40 minlik borcu aşkarlandı

"AVROSOF" Məhdud Məsuliyyətli Cəmiyyətinin dövlət büdcəsinə olan vergi borcu aşkar olunub.
DuzXeber.az: "32gun.az"-ın əldə etdiyi məlumata görə, hazırda şirkətin borcu 40 773,4 AZN təşkil edir.
Qanuni təmsilçisi Əziz Axundov Aslan oğlu olan və Bakı şəhəri Yasamal rayonu, Ə.Salamzadə küçəsi, ev 5 ünvanında hüquqi qeydiyyatda olan bu qurumun nizamnamə kapitalının cəmi 10 AZN olması isə diqqətdən yayınmır.
Mətbuatda gedən məlumatlara görə, "Avrosof" MMC-nin  adı idxal əməliyyatları zamanı dövlət büdcəsindən külli miqdarda vergi və rüsum yayındırma cəhdlərində hallanıb. Dövlət Gömrük Komitəsinin rəsmi hesabatlarında "qara siyahı"ya salınan bu şirkətin qeyri-şəffaf fəaliyyəti, qanunvericiliyin tələblərini açıq şəkildə pozmaq cəhdi kimi xarakterizə olunub.