DuzXeber.az xəbər verir ki, “Apple App Store” vasitəsilə edilən abunə ödənişlərindən xidmət təminatçılarından adətən 15-30 faiz arasında komissiya tutur. Bir çox şirkət isə bu əlavə xərci öz üzərinə götürmək əvəzinə qiyməti birbaşa istifadəçilərə ötürür. Bu vəziyyət texnologiya dünyasında qeyri-rəsmi olaraq “Apple vergisi” adlandırılır.
Bunun ən bariz nümunələrindən biri isə YouTube Premium-dur. Hazırda ABŞ-də istifadəçilər YouTube-un rəsmi saytı üzərindən fərdi “Premium” abunəsinə aylıq 16 dollar ödədiyi halda, eyni xidmətə App Store vasitəsilə abunə olan istifadəçilər ayda 21 dollar ödəyirlər. Yəni iPhone istifadəçiləri yalnız Apple-ın komissiyasına görə hər ay əlavə 5 dollar xərcləmiş olurlar.
Bəzi istifadəçilər abunələri “App Store” üzərindən idarə etməyə üstünlük verirlər. Çünki “Apple” ekosistemində abunəni ləğv etmək daha rahatdır və bir neçə toxunuşla həyata keçirilir. Bir çox digər xidmətlərdə isə abunənin ləğvi daha mürəkkəb prosesə çevrilə, istifadəçilərdən əlavə təsdiqlər və ya sorğular tələb oluna bilər.
Bununla belə, daha aşağı qiymət ödəmək istəyən istifadəçilər üçün ən sərfəli seçim YouTube Premium-a birbaşa YouTube-un rəsmi saytı vasitəsilə abunə olmaqdır. Bu halda Apple komissiyası tətbiq edilmir və istifadəçi eyni xidməti daha ucuz qiymətə əldə edir.

Paylaş