Britaniyada qatar relsdən çıxdı - Yaralılar var

Cənub-Şərq Sahil Təcili Yardım Xidmətinin məlumatına görə, Şərqi Sasseksdəki Lüis yaxınlığında qatarın relsdən çıxması nəticəsində 11 nəfər xəsarət alıb.
DuzXeber.az xəbər verir ki, bu barədə “Sky News” məlumat yayıb.
"Bu mərhələdə iki xəstənin ciddi xəsarət aldığını təsdiqləyə bilərik. Daha doqquz xəstə isə daha yüngül xəsarətlər alıb. Xəstələr hadisə yerində müayinə və müalicə olunub. Bəziləri əlavə müalicə üçün yerli xəstəxanalara aparılıb", - məlumatda qeyd olunur.
Londondan İstborna gedən qatarda təxminən 150 nəfər olub.