Xamenei huşsuz vəziyyətdədir – Onun yeri açıqlandı

“The Times” qəzeti İranın ali lideri Müctəba Xameneinin huşsuz vəziyyətdə olduğunu iddia edib.

Duzxeber.az xəbər verir ki oğul Xamenei Qum şəhərində müalicə alır.

Xameneinin hazırda ölkəni idarə edə bilmədiyi və Tehranın cənubundakı dini mərkəzdə müalicə aldığı bildirilir.

Qəzet bu məlumatın regional tərəfdaşlara təqdim edildiyini və müharibənin başlanğıcından bəri Xameneinin harada olduğuna dair ilk əlamət ola biləcəyini bildirib.

Qərb mediası Müctəba Xameneinin İsrail-ABŞ hərbi əməliyyatının başlamasından bəri ictimaiyyət qarşısına çıxmadığını iddia etsə də, İran dövlət mediası dünən onun İİKK kəşfiyyat rəhbərinin sui-qəsdi ilə bağlı mesajını dərc edib. Xüsusilə, o, məmurun ölümünü ABŞ və İsrailin uğursuzluqları ilə əlaqələndirərək, zabitin ölümünün ölkənin silahlı qüvvələrinə təsir etməyəcəyini bildirib.Tribuna.az