Ağac maşının üzərinə aşdı: Gəlin və qayınana xəsarət aldı

Lənkəranda çürümüş ağac avtomobilin üzərinə aşıb.

Duzxeber.az xəbər verir ki, hadisə səhər saatlarında rayonun Parakənd kəndi ərazisində qeydə alınıb.

Astara rayonunun Təngərüd kənd sakini, 59 yaşlı Müzəffərovun idarə etdiyi VAZ-2107 markalı avtomobil Lənkəran istiqamətində hərəkətdə olarkən yol kənarındakı çürümüş ağac qəfil aşaraq nəqliyyat vasitəsinin üzərinə düşüb.

Nəticədə avtomobildə sərnişin qismində olan sürücünün qızı, 38 yaşlı Nüşabə Müzəffərova və onun qaynanası, 66 yaşlı Təzəgül Babayeva müxtəlif dərəcəli bədən xəsarətləri alıblar. Yaralılar Lənkəran Rayon Mərkəzi Xəstəxanası-nın təcili yardım şöbəsinə çatdırılıblar. Onlara zəruri ilkin tibbi yardım göstərilib, müalicələri davam etdirilir.//ajans.az